ஐபிஎல் தொடரின் இன்றைய பிற்பகல் போட்டியில் டாஸ் வென்ற ராயல் சேலஞ்சர்ஸ் பெங்களூர் முதலில் பேட்டிங் தேர்வு.
நடப்பாண்டு ஐபிஎல் தொடர் கடந்த மாதம் தொடங்கி விறுவிறுப்பாக நடைபெற்று வருகிறது. மும்பை, புனே, மகாராஷ்டிரா உள்ளிட்ட 3 நகரங்களில் லீக் போட்டிகள் தொடர்ந்து நடைபெற்று வருகிறது. இந்த நிலையில் இன்றைய தினத்தில் இரண்டாய் போட்டிகள் நடைபெறுகிறது. அதன்படி, முதல் போட்டியான இன்று பிற்பகல் நடக்கும் 43-வது லீக் போட்டியில் ஹர்திக் பாண்டியா தலைமையிலான குஜராத் டைட்டன்ஸ் அணியும், ஃபாஃப் டு பிளெசிஸ் தலைமையிலான ராயல் சேலஞ்சர்ஸ் பெங்களூர் அணியும் பலப்பரீட்சை நடத்துகிறது. இந்தாண்டு ஐபிஎல் தொடரில் இந்த இரண்டு அணிகளும் முதல் முறையாக மோதுகின்றன.
இதுவரை குஜராத் டைட்டன்ஸ் 8 போட்டிகளில் விளையாடி, 7 போட்டிகளில் வெற்றி பெற்று புள்ளி பட்டியலில் உள்ள முதலிடத்தில் உள்ளது. மறுபக்கம் 9 போட்டிகளில் 5ல் மட்டும் வெற்றி பெற்று, பெங்களூரு அணி புள்ளி பட்டியலில் 5வது இடத்தில உள்ளது. குஜராத் அணி தொடர் வெற்றியை பதிவு செய்து வரும் நிலையில், பெங்களூரு 4 போட்டிகளில் தோல்வியை சந்தித்துள்ளது. இதனால் குஜராத் அணி வெற்றி தொடருமா அல்லது பெங்களூரு தோல்வியில் இருந்து மீளுமா என ரசிர்கள் மத்தியில் எதிர்பார்ப்பு எகிறியுள்ளது. இருப்பினும் இரு அணிகளும் வெற்றி பெற வேண்டும் என்ற முனைப்பில் இன்றைய போட்டியில் களமிறங்கியுள்ளது.
அந்தவகையில், மும்பை பிரபோர்ன் ஸ்டேடியத்தில் நடைபெறும் இப்போட்டியில் டாஸ் வென்ற ராயல் சேலஞ்சர்ஸ் பெங்களூர் முதலில் பேட்டிங் தேர்வு செய்துள்ளது. இந்த மைதானத்தை பொறுத்தளவில், பேட்டிங் முதலில் செய்யும் அணி 10 முறையும், பேட்டிங் இரண்டாவதாக செய்யும் அணி 11 முறையும் வெற்றி பெற்றுள்ளது. அதுவும், LBS மற்றும் MEDIUM போடும் பந்துவீச்சாளர்கள் அதிக விக்கெட்டுகளை வீழ்த்த வாய்ப்பு இருப்பதாகவும் பிட்ச் ரிப்போர்ட்டில் தெரிவிக்கப்பட்டுள்ளது.
ராயல் சேலஞ்சர்ஸ் பெங்களூர் (பிளேயிங் லெவன்): ஃபாஃப் டு பிளெசிஸ் (கேப்டன்), விராட் கோலி, ரஜத் படிதார், கிளென் மேக்ஸ்வெல், தினேஷ் கார்த்திக் (விக்கெட் கீப்பர்), ஷாபாஸ் அகமது, மஹிபால் லோம்ரோர், வனிந்து ஹசரங்கா, ஹர்ஷல் படேல், முகமது சிராஜ், ஜோஷ் ஹேசில்வுட் ஆகியோர் இடம்பெற்றுள்ளனர்.
குஜராத் டைட்டன்ஸ் (பிளேயிங் லெவன்): ஷுப்மான் கில், விருத்திமான் சாஹா(விக்கெட் கீப்பர்), ஹர்திக் பாண்டியா (கேப்டன்), சாய் சுதர்சன், டேவிட் மில்லர், ராகுல் டெவாடியா, ரஷித் கான், பிரதீப் சங்வான், அல்சாரி ஜோசப், லாக்கி பெர்குசன், முகமது ஷமி ஆகியோர் இடம்பெற்றுள்ளனர்.
சென்னை : 18-வது ஐபிஎல் சீசன் இந்த ஆண்டு வருகின்ற 22-ஆம் தேதி (சனிக்கிழமை) தொடங்கி வரும் மே 25-ஆம்…
சென்னை : அதிமுக பொதுச்செயலாளர் எடப்பாடி பழனிசாமி - சட்டப் பேரவை உறுப்பினர் செங்கோட்டையன் இடையே அதிருப்தி நிலவுவதாக சமூக…
டெல்லி : ஐபிஎல் 2025 சீசன் இன்னும் ஒரு வாரத்திற்குள் தொடங்கவுள்ள நிலையில், வரப்போகும் இரண்டு மாத கால கிரிக்கெட்…
சென்னை : 2025 - 2026 ஆண்டுக்கான வேளாண் பட்ஜெட்டை அத்துறையின் அமைச்சர் எம்.ஆர்.கே.பன்னீர்செல்வம் தாக்கல் செய்து, பல்வேறு புதிய…
வாஷிங்டன் : அமெரிக்க விண்வெளி வீரர்களான சுனிதா வில்லியம்ஸ் மற்றும் புட்ச் வில்மோர் ஆகியோர் ஜூன் மாதம் முதல் சர்வதேச…
சென்னை : தமிழ்நாட்டில் புதிய தேசிய கல்விக்கொள்கை வழியாக மத்திய அரசு இந்தியை திணிக்க முயற்சிப்பதாக தொடர்ந்து திமுக அரசு…
