கவுதம் கம்பிர் : இந்திய அணியின் அடுத்த தலைமை பயிற்சியாளராக கம்பிர் தான் செயலாற்றுவார் என உறுதியான ஒப்பந்தம் ஒன்று முடிவாகி உள்ளது என தகவல் ஒன்று வெளியாகி இருக்கிறது.
இந்திய அணியின் தற்போதைய தலைமை பயிற்சியாளராக இருக்கும் ராகுல் டிராவிட் வருகிற இந்த டி20 உலகக்கோப்பையுடன் அந்த பதவியை நிறைவு செய்ய உள்ளார். அதன் பிறகு இந்திய அணியின் தலைமை பயிற்சியாளர் பதவிக்கு பிசிசிஐ மிகப்பெரிய தேடுதலை நடத்தியது. அதற்கு பல விண்ணப்பங்களும் வந்ததாக பிசிசிஐ குறிப்பிட்டிருந்தது, மேலும் விண்ணப்பங்களை அனுப்பவதற்கு கடைசி தேதி நேற்றுடன் முடிவடைந்தது என்பது குறிப்பிடத்தக்கது.
இந்த பதவிக்காக ஜெயவர்தனே, ஃபிளெமிங் என பலரிடம் பிசிசிஐ பேச்சு வார்த்தை நடத்தியதாக தகவல்கள் வெளியானது. மேலும், இந்த ஐபிஎல் தொடர் நிறைவடைந்தவுடன் தலைமை பயிற்சியாளர் பதவிக்கு இந்திய அணியின் முன்னாள் வீரரான கவுதம் கம்பிர் பெயரும் அடிபட்டது. கவுதம் கம்பிர் இந்த ஐபிஎல் தொடரில் கொல்கத்தா அணிக்கு ஆலோசகராக சிறப்பாக செயல்பட்டு இந்த வருட ஐபிஎல் கோப்பையை வெல்வதற்கு பக்கபலமாக இருந்துள்ளார்.
இதனால் கம்பிரிடம் பிசிசிஐ பேச்சு வார்த்தை நடத்தியதாகவும், அதற்கு கம்பிரும் பல நிபந்தனைகள் விடுத்ததாகவும் பல தகவல்கள் வெளியானது. தற்போது, வெளியாகி உள்ள தகவல் என்னவென்றால் கவுதம் கம்பிருடன் இறுதியான ஒப்பந்தம் உறுதியானது எனவும் அவர்தான் இந்திய அணியின் அடுத்த தலைமை பயிற்சியாளராக செயல்படுவார் எனவும் இதை பிசிசிஐ உலகக்கோப்பை முடிவடைந்த பிறகு அதிகாரப்பூர்வ தகவலை வெளியிடுவார்கள் எனவும் வெளியாகி உள்ளது.
இந்த தகவலானது பிசிசிஐயின் உயர்மட்ட அதிகாரிகளில் நெருங்கிய தொடர்பு கொண்ட உயர்மட்ட ஐபிஎல் உரிமையாளர்களுள் ஒருவர் மூலம் கிரீக்பஸ் பத்திரிகைக்கு கிடைத்துள்ளது. எனவே பிசிசிஐயின் அதிகாரபூர்வ தகவல் வெளியாகும் வரை பொறுத்து இருந்தே பார்க்க வேண்டும்.
சென்னை : இயக்குநர் சுகுமார் இயக்கத்தில், மைத்ரி மூவி மேக்கர்ஸ் தயாரிப்பில் உருவான 'புஷ்பா' முதல் படத்தின் மாபெரும் வெற்றியைத்…
சென்னை : GOAT படம் பெரிய எதிர்பார்ப்புகளுக்கு மத்தியில் கடந்த செப்டம்பர் 05-ஆம் தேதி திரையரங்குகளில் வெளியானது. படம் மக்களுக்கு…
சென்னை -திருப்பதி ஏழுமலையான் கோவிலில் லட்டு பிரசாதமாக வழங்கப்படுவது மூன்று நூற்றாண்டுகளையும் கடந்து தொடர்கிறது. கற்கண்டு சுவையோடு நெய் வாசம்…
சென்னை : நடைபெற்று வரும் முதல் டெஸ்ட் போட்டியின் இரண்டாம் நாள் ஆட்டமானது இன்று தொடங்கியது. நேற்று சிறப்பாக விளையாடி சதம்…
சென்னை : திருப்பதி ஏழுமலையான் கோயிலில் பிரசாதமாக வழங்கப்படும் லட்டில் , மீன் எண்ணெய், விலங்கின் கொழுப்பு ஆகியவை கலந்துள்ளதாக…
சென்னை : கமல்ஹாசன் கடைசியாக நடித்த இந்தியன் 2 படம் பெரிய எதிர்பார்ப்புகளுக்கு மத்தியில் வெளியாகி எதிர்மறையான விமர்சனங்களை சந்தித்து…