இன்று ஒருநாள் உலகக்கோப்பைத் தொடரின் 40-ஆவது லீக் போட்டியில் புனேவில் உள்ள மகாராஷ்டிரா கிரிக்கெட் சங்க மைதானத்தில் இங்கிலாந்து அணியும், நெதர்லாந்து அணியும் மோதியது. இதில் இங்கிலாந்து அணி டாஸ் வென்று பேட்டிங் தேர்வு செய்துள்ளது.
இப்போட்டியில் இங்கிலாந்து அணியின் தொடங்க வீரர்களாக ஜானி பேர்ஸ்டோ, டேவிட் மாலன் இருவரும் களமிறங்கினர். வழக்கம்போல தொடக்க வீரர் ஜானி பேர்ஸ்டோ சிறப்பாக விளையாடாமல் 15 ரன் எடுத்து வெளியேறினார். அடுத்து ஜோ ரூட் இறங்க தொடங்கவீரர் டேவிட் மாலன் சிறப்பாக விளையாடி அரைசதம் பூர்த்தி செய்தார். இருப்பினும் நிதானமாக விளையாடிய ஜோ ரூட் 28 ரன்னில் விக்கெட்டை இழந்தார்.
பின்னர் பென் ஸ்டோக்ஸ் களமிறங்க மறுபுறம் விளையாடி வந்த தொடக்க வீரர் டேவிட் மாலன் 87 ரன்னில் விக்கெட்டை பறிகொடுத்தார். டேவிட் மலான் 87 ரன்களில் ஆட்டமிழந்து தனது அணிக்கு நல்ல தொடக்கத்தைக் கொடுத்தாலும் நடு ஓவர்களில் இங்கிலாந்து அணி சற்றுத் தடுமாறியது. காரணம் ஜோ ரூட் (28), ஹாரி புரூக் (11), ஜோஸ் பட்லர் (5), மொயீன் அலி (4) ஆகியோரின் விக்கெட்டுகளை இழந்தனர்.
பின்னர் மத்தியில் இறங்கிய கிறிஸ் வோக்ஸ் மற்றும் களத்தில் இருந்த பென் ஸ்டோக்ஸ் கை கோர்த்து சரிவில் இருந்த அணியை மீட்டு கொண்டு வந்தனர். இதில் அதிரடியாக விளையாடிய பென் ஸ்டோக்ஸ் சதம் விளாசி 84 பந்தில் 6 பவுண்டரி , 6 சிக்ஸர் என மொத்தம் 108 ரன்கள் குவித்தார். மறுபக்கம் விளையாடிய கிறிஸ் வோக்ஸ் அரைசதம் விளாசி 51 ரன் எடுத்து விக்கெட்டை இழந்தார்.
இறுதியாக இங்கிலாந்து அணி 50 ஓவரில் 9 விக்கெட்டை இழந்து 339 ரன்கள் குவித்தனர். நெதர்லாந்து அணியில் பாஸ் டி லீடே 3 விக்கெட்டையும், லோகன் வான் பீக், ஆர்யன் தத் தலா 2 விக்கெட்டை பறித்தனர். 340 ரன்கள் இலக்குடன் நெதர்லாந்து அணியின் தொடக்க வீரர்களாக வெஸ்லி பாரேசி ,மேக்ஸ் ஓ டவுட் இருவரும் களமிறங்கினர். ஆட்டம் தொடங்கியது முதல் பொறுமையுடன் விளையாடி வந்தனர்.
இருப்பினும் மேக்ஸ் ஓ டவுட் 5-வது ஓவரில் வெறும் 5 ரன் எடுத்து விக்கெட்டை இழந்தார். அடுத்து வந்த கொலின் அக்கர்மேன் 2 பந்துகளில் ரன் எடுக்காமல் டக் அவுட் ஆனார். பின்னர் சைபிரண்ட் களமிறங்க மறுபுறம் விளையாடி வந்த தொடக்க வீரர் வெஸ்லி பாரேசி 37 ரன் எடுத்து ரன் அவுட் ஆனார். மத்தியில் இறங்கிய ஸ்காட் எட்வர்ட்ஸ் , சைபிரண்ட் இருவரும் சிறப்பாக விளையாடி ரன்களை சேர்த்தனர். ஆனாலும் ஸ்காட் எட்வர்ட்ஸ் 38, சைபிரண்ட் 33 ரன்களில் விக்கெட்டை பறிகொடுத்து பெவிலியன் திரும்பினர்.
பிறகு இறங்கிய அனைத்து வீரர்களும் நிலைத்து நிற்காமால் விக்கெட்டை இழக்க இறுதியாக நெதர்லாந்து அணி 37.2 ஓவரில் அனைத்து விக்கெட்டையும் இழந்து 179 ரன்கள் எடுத்து 160 ரன்கள் வித்தியாசத்தில் தோல்வியை தழுவியது. இங்கிலாந்து அணியில் அடில் ரஷித் , மொயின் அலி தலா 3 விக்கெட்டையும் , டேவிட் வில்லி 2 விக்கெட்டையும் , கிறிஸ் வோக்ஸ் 1 விக்கெட்டை பறித்தனர்.
இங்கிலாந்து அணி 8 போட்டிகளில் விளையாடி 1போட்டியில் வெற்றியும், 7 போட்டிகளில் தோல்வியை சந்தித்து அரையிறுதிக்கு செல்லும் வாய்ப்பை முன்பு இழந்த நிலையில் இன்றைய போட்டியில் வெற்றி பெற்றது. இங்கிலாந்து அணி தனது 2 போட்டியில் பங்களாதேஷ் அணிக்கு எதிராக 107 ரன்கள் வித்தியாசத்தில் வெற்றி பெற்றது. அதன் பிறகு இங்கிலாந்து அணி தனது 8 -வது போட்டி(இன்றைய) வெற்றி பெற்றுள்ளது.
நெதர்லாந்து அணி 8 போட்டிகளில் விளையாடி 2 போட்டியில் வெற்றியும், 6 போட்டிகளில் தோல்வியை சந்தித்து அரையிறுதிக்கு செல்லும் வாய்ப்பை இழந்தது.
சென்னை : இந்திய கிரிக்கெட் அணியின் சுழற்பந்துவீச்சாளர் ரவிசந்திரன் அஸ்வின் சர்வதேச கிரிக்கெட்டில் இருந்து தான் ஓய்வு பெறுவதாக திடீரென…
டெல்லி : மத்திய உள்துறை அமைச்சர் அமித்ஷா நாடாளுமன்ற கூட்டத்தொடரில் அம்பேத்கர் பற்றி பேசிய விஷயம் பெரிய சர்ச்சையாக வெடித்துள்ளது. நாடாளுமன்ற…
சென்னை : தென்மேற்கு வங்கக்கடல் பகுதிகளில் நிலவிய காற்றழுத்த தாழ்வு பகுதி நேற்று ஆழ்ந்த காற்றழுத்த தாழ்வு பகுதியாக வலுப்பெற்று,…
மும்பை : இன்று மும்பை கடற்கரை பகுதியில் பயணிகளை ஏற்றிச்செல்லும் சுற்றுலா படகு ஒன்று அருகில் உள்ள யானை தீவுகளுக்கு…
சென்னை : கைதி, மாஸ்டர், விக்ரம், லியோ போன்ற மெகா ஹிட் படங்களை இயக்கி வெற்றிப்பட இயக்குனராக வலம் வரும்…
டெல்லி : நாடாளுமன்ற கூட்டத்தொடரில் நேற்று பேசிய மத்திய உள்துறை அமைச்சர் அமித்ஷா, தற்போது அம்பேத்கர் அம்பேத்கர் என பேசுவது…
