ENGLAND VS INDIA:தரவரிசையில் விராட் கோலியை விரட்டிவிட்டு முன்னேறிய லோகேஷ் ராகுல்..!விராட் கோலிக்கு பின்னடைவு

இந்திய அணி மூன்று 20 ஓவர், மூன்று ஒருநாள் மற்றும் 5 டெஸ்ட் போட்டிகளில் விளையாடுவதற்கு இங்கிலாந்தில் சென்றுள்ளது.இதன்படி இந்திய அணி முதலாவது இருபது ஓவர் போட்டியில் 8 விக்கெட் வித்தியாசத்தில் அபார வெற்றி பெற்றது.அதேபோல் இங்கிலாந்து அணி இரண்டாவது இருபது ஓவர் போட்டியில் 5 விக்கெட் வித்தியாசத்தில் அபார வெற்றி பெற்றது.

கடைசி இருபது ஓவர் போட்டி நேற்று முன்தினம்  இங்கிலாந்தின் கவுண்டி மைதானத்தில் நடைபெற்றது.

இந்த போட்டியில் டாஸ் வென்ற இந்திய அணி கேப்டன் விராட் கோலி பந்துவீச்சை தேர்வு செய்தார்.

பேட் செய்த இங்கிலாந்து அணி ஜெய்சன் ராய், மற்றும் ஜோஸ் பட்லர், தொடக்க ஆட்டக்காரர்களாக களமிறங்கினர்.

முதலில் ஆடிய  இங்கிலாந்து அணி 20 ஓவர் முடிவில் 9 விக்கெட் இழப்பிற்கு 198 ரன்கள் எடுத்தது.

அடுத்ததாக 199 ரன்கள் எடுத்தால் வெற்றி என்ற முனைப்புடன் இந்திய அணி பேட்டிங் செய்தது .

பின்னர் இந்திய அணி 18.4 ஓவர்களில் இலக்கை எட்டியது.இதன் மூலம் இந்திய அணி 7 விக்கெட் வித்தியாசத்தில் அபார வெற்றி பெற்றது.மேலும் 2-1 என்ற கணக்கில் தொடரையும் கைப்பற்றியது.

இந்நிலையில் தற்போது இந்திய அணியின் அதிரடி வீரர் லோகேஷ் ராகுல் சர்வதேச இருபது ஓவர் போட்டிகளில் தரவரிசையில் முன்னேற்றம் கண்டுள்ளார்.முதலாவது  இருபது ஓவர் போட்டியில்  அவர் (101*) ரன்கள் அடித்தார்.இதன் மூலம் அவர் சர்வதேச தரவரிசையில் 3வது இடத்துக்கு முன்னேறியுள்ளார்.இதற்கு முன் இவர் 12வது இடத்தில் இருந்தார்.812 புள்ளிகளுடன் மூன்றாவது இடத்தில் ராகுல் உள்ளார்.

மேலும் இந்திய அணி  கேப்டன் விராட் கோலி, 12வது இடத்துக்கு தள்ளப்பட்டார்.

மேலும் செய்திகளுக்கு தினச்சுவடுடன் இணைந்திருங்கள்.