முதுகில் ஆட்டோகிராப் வாங்கிய தோனி ரசிகர்! வீடியோ வைரல்.!

தோனியின் ரசிகர் ஒருவர் தனது முதுகில் தோனியிடம் ஆட்டோகிராப் வாங்கும் வீடியோ இணையத்தில் வைரலாகி வருகிறது.

எம்.எஸ்.தோனி இந்திய கிரிக்கெட்டிலிருந்து ஓய்வு பெற்று இரண்டு ஆண்டுகளானாலும் ஐபிஎல் தொடரில் இன்னும் சி.எஸ்.கே அணிக்காக கேப்டனாக இருந்து வருகிறார். உலகெங்கும் ரசிகர் பட்டாளத்தைக் கொண்டுள்ள தோனி, இந்திய அணியின் கேப்டனாக இருந்து மூன்று வித ஐசிசி கோப்பைகளை வென்ற ஒரே கேப்டன் எனும் சிறப்பை பெற்றிருக்கிறார்.

ஐசிசியின் டி-20 உலகக்கோப்பை, ஒருநாள் உலகக்கோப்பை மற்றும் சாம்பியன்ஸ் கோப்பை என இந்தியாவிற்கு கோப்பைகளை அள்ளித்தந்து பெருமை வாங்கித்தந்தவர். தோனி எங்கு சென்றாலும் ரசிகர்கள் அவரை விடுவதில்லை, அவரும் தன் ரசிகர்களோடு அன்போடு இருந்து வருபவர்.

இந்நிலையில் ரசிகர் ஒருவர் தோனியிடம், ஆட்டோகிராப் வாங்கியுள்ளார். தான் அணிந்திருந்த டி-ஷர்ட்டின் பின்புறம் முதுகில் ஆட்டோகிராப் வாங்கும் வீடியோ இணையத்தில் பரவி வருகிறது.