தோனி இல்லை …!வருத்தத்தில் ரசிகர்கள் …!சேப்பாக்கம் மைதானத்தில் மந்தமான டிக்கெட் விற்பனை …!

இந்தியா- வெஸ்ட் இண்டீஸ்  அணிகளுக்கு இடையிலான கடைசி டி20 போட்டிக்கு   டிக்கெட் வாங்கும் ரசிகர்களின் கூட்டம் வழக்கத்திற்கு மாறாக சற்று குறைவாக காணப்பட்டது.

வெஸ்ட் இண்டீஸ் அணி இந்தியாவில் சுற்றுப்பயணம் செய்து விளையாடி வருகிறது. டெஸ்ட் தொடரை 2-0 என்ற கணக்கில் இழந்தது.அதேபோல் 5 போட்டிக் கொண்ட ஒருநாள் தொடரை 3-1 என்ற கணக்கிலும் இந்தியா கைப்பற்றியது.

இந்தியா- வெஸ்ட் இண்டீஸ் அணிகள் இடையேயான 3 போட்டிக் கொண்ட 20 ஓவர் தொடரில் முதல் ஆட்டம் கொல்கத்தா ஈடன்கார்டன் மைதானத்தில் இன்று (4-ந்தேதி) நடைபெறுகிறது.

விராட் கோலிக்கு 20 ஓவர் போட்டியில் ஓய்வு அளிக்கப்பட்டுள்ளது. இதனால் ரோகித்சர்மா கேப்டனாக நியமிக்கப்பட்டுள்ளார்.20 ஓவர் போட்டிக்கான அணியில் இருந்து முன்னாள் கேப்டனும், அணியின் சீனியர் வீரருமான டோனி நீக்கப்பட்டுள்ளார்.இது நாடு முழுவதும் உள்ள அவரது ரசிகர்களுக்கு அதிர்ச்சியை ஏற்படுத்தியது.

இந்தியா- வெஸ்ட் இண்டீஸ்  அணிகளுக்கு இடையிலான கடைசி டி20 போட்டி சென்னை சேப்பாக்கம் மைதானத்தில் வரும் 11-ம் தேதி நடைபெறுகிறது.

இன்று காலை 11.30 மணிக்கு இதற்கான டிக்கெட் விற்பனை சென்னை சேப்பாக்கம் மைதானத்தில் தொடங்கியது. டி20 கிரிக்கெட் தொடரில் தோனி, விராட் கோலி இல்லாததன் தாக்கம் டிக்கெட் வாங்கும் ரசிகர்களின் கூட்டம் வழக்கத்திற்கு மாறாக சற்று குறைவாக காணப்பட்டது.