#IPL2020: பேட்டிங்கில் சொதப்பிய டெல்லி ! போல்ட் ,பும்ரா அபார பந்துவீச்சு

மும்பைக்கு எதிரான போட்டியில் டெல்லி அணி 110 ரன்கள் மட்டுமே அடித்துள்ளது. 

இன்று நடைபெற்று வரும் ஐபிஎல் தொடரின் 51-வது லீக் போட்டியில் மும்பை இந்தியன்ஸ் – டெல்லி கேபிட்டல்ஸ் அணிகள் மோதிவருகின்றது . இந்த போட்டி துபாய் சர்வதேச மைதானத்தில் நடைபெறுகிறது.இந்த போட்டியில் டாஸ் வென்ற மும்பை இந்தியன்ஸ் அணி கேப்டன் பொல்லார்ட் பந்துவீச்சை தேர்வு செய்தார்.

இதனைத்தொடர்ந்து டெல்லி அணியின் தொடக்க வீரரர்களான பிரிதிவி ஷா மற்றும் ஷிகர் தவான் களமிறங்கினார்கள் .ஆனால் தவான் டக் அவுட்டாகி வெளியேறினார்.இவரைத்தொடர்ந்து பிரிதிவி ஷா 10 ரன்களில் ஆட்டமிழந்தார் .பின்பு களமிறங்கிய  ஸ்ரேயாஸ் 25 ரன்கள் , பண்ட் 21 ரன்கள், மார்கஸ் ஸ்டாய்னிஸ் 2 ரன்கள், ஹெட்மியர் 11 ரன்கள்,ஹர்ஷல் படேல் 5 ரன்கள், அஸ்வின் 12  ரன்கள்,ரபாடா 12  ரன்கள் என சொற்ப ரன்களில் ஆட்டமிழந்தனர்.

டெல்லி அணி வீரர்கள் பெரிய ரன்களை அடிக்காமல் மும்பை அணியின் பந்துவீச்சை சமாளிக்க முடியாமல் டெல்லி 20 ஓவர்கள் முடிவில்   9 விக்கெட்டுகளை இழந்து 110 ரன்கள் அடித்தது.மும்பை அணியின் பந்துவீச்சில் போல்ட் ,பும்ரா  தலா 3 விக்கெட்டுகளை கைப்பற்றினார்கள். இதன் பின் 111 ரன்கள் அடித்தால் வெற்றி என்ற இலக்குடன் மும்பை அணி களமிறங்கவுள்ளது.