முடிச்சிவிட்டீங்க போங்க! ஹைதராபாத்தை ஓட விட்ட டெல்லி..7 விக்கெட் வித்தியாசத்தில் வெற்றி!
ஹைதராபாத் அணிக்கு எதிரான ஐபிஎல் போட்டியில் டெல்லி அணி 7 விக்கெட் வித்தியாசத்தில் அசத்தல் வெற்றியை பதிவு செய்துள்ளது.

விசாகப்பட்டினம் : இன்று நடைபெற்ற ஐபிஎல் போட்டியில் ஹைதராபாத் அணியும், டெல்லி அணியும் விசாகப்பட்டினத்தில் உள்ள ஜே.எஸ். ராஜசேகர் ரெட்டி அச்-வோட்கா கிரிக்கெட் மைதானத்தில் மோதியது. போட்டியில் முதலில் டாஸ் வென்ற ஹைதராபாத் அணி பேட்டிங்கை தேர்வு செய்தது. அதிரடியாக விளையாடும் என எதிர்பார்க்கப்பட்ட நிலையில், ஆரம்பமே ஹைதராபாத் அணிக்கு அதிர்ச்சியளிக்கும் விதமாக தொடர்ச்சியாக விக்கெட்கள் விட்டது.
அதிரடி அணி ஹைதராபாத்தையும் எங்களால் தடுக்க முடியும் என்கிற வகையில் டெல்லி அணியின் பந்துவீச்சாளர்கள் முதல் இன்னிங்ஸில் கலக்கினார்கள் என்று தான் சொல்லவேண்டும். அபிஷேக் சர்மா அவுட் ஆன பிறகு 2.1 ஓவரில் இஷான் கிஷன் 2 ரன்கள் எடுத்து அட்டமிழந்து வெளியேறினார். அவரை தொடர்ந்து அடுத்ததாக களமிறங்கிய நிதீஷ் குமார் ரெட்டி, பொறுமையாக கூட விளையாடாமல் அதிரடி காட்ட நினைத்து 2.3 ஓவரில் டக் அவுட் ஆகி வெளியேறினார். இவர்களை தொடர்ந்து அணியின் ஒட்டுமொத்த நம்பிக்கையும் ஹெட் மேல் இருந்த சூழலில் அவரையும் டெல்லி பந்துவீச்சாளர் மிட்செல் ஸ்டார்க் 4.1 ஓவரில் 22ரன் களில் அட்டமிழந்து வெளியேற்றினார்.
இதன் காரணமாக, ஒரு கட்டத்தில் அணி தடுமாறி கொண்டிருந்த நிலையில், அனிகேத் வர்மா மற்றும் ஹென்ரிச் கிளாசென் இருவரும் நல்ல பார்ட்னர் ஷிப் அமைத்துக்கொண்டு விளையாடினார்கள். பிறகு அவர்களும் ஆட்டமிழந்த நிலையில், ஹைதராபாத் அணி திணறியது. இறுதியாக 18.4 ஓவர்களில் ஹைதராபாத் அணி தங்களுடைய அனைத்து விக்கெட்களையும் இழந்து 163 ரன்கள் மட்டுமே எடுத்து. அதனைத்தொடர்ந்து 164 ரன்கள் எடுத்தால் வெற்றி என்ற இலக்குடன் டெல்லி அணி களமிறங்கியது.
தொடக்க ஆட்டக்காரராக விளையாடிய ஃபாஃப் டு பிளெசிஸ் அரை சதம் விளாசி அணிக்கு நல்ல தொடக்கத்தை கொடுத்தார். அவருடன் இணைந்து ஜேக் ஃப்ரேசர்-மெக்கர்க் களத்தில் நின்று 38 ரன்கள் எடுத்து கொடுத்து அவுட் ஆனார். அதன்பிறகு களத்திற்கு வந்த அபிஷேக் போரல், கேஎல் ராகுல் இருவரும் அதிரடி காட்டினார்கள். பிறகு கே.எல்.ராகுல் 15 ரன்களில் ஆட்டமிழந்து வெளியேற டிரிஸ்டன் ஸ்டப்ஸ் களமிறங்கி அதே அதிரடியுடன் விளையாடினார்.
நிதானம் கலந்த அதிரடியுடன் டெல்லி அணி விளையாடிய நிலையில், 16 ஓவர்கள் முடிவில் 3 விக்கெட் இழப்பிற்கு 166 ரன்கள் எடுத்து 7 விக்கெட் வித்தியாசத்தில் வெற்றிபெற்றது. அதிகபட்சமாக, ஜீஷான் அன்சாரி சிறப்பாக பந்துவீசி 3 விக்கெட் வீழ்த்தினார். ஏற்கனவே. இந்த ஆண்டு ஐபிஎல் தொடரில் முதல் போட்டியில் டெல்லி அணி வெற்றிபெற்றிருந்த நிலையில், இப்போது இரண்டாவது போட்டியிலும் வெற்றிபெற்று புள்ளி விவரப்பட்டியலில் 2-வது இடத்திற்கு முன்னேறியுள்ளது.