GTvDC [file image]
ஐபிஎல் 2024: டெல்லி அணி 8.5 ஓவரில் 92 ரன்கள் எடுத்து 6 விக்கெட் வித்தியாசத்தில் வெற்றி பெற்றது.
இன்றைய ஐபிஎல் போட்டியில் குஜராத் அணியும், டெல்லி அணியும் மோதியது. இந்த போட்டியானது அகமதாபாத்தில் உள்ள நரேந்திர மோடி மைதானத்தில் நடைபெற்றது. போட்டியில் டாஸ் வென்ற டெல்லி கேப்பிட்டல் அணி முதலில் பந்து வீச தேர்வு செய்தனர். அதன்படி முதலில் களம் இறங்கிய குஜராத் அணி மோசமான ஆட்டத்தை வெளிப்படுத்தினர்.
இதனால் 17.3 ஓவரில் வெறும் 89 ரன்கள் எடுத்து அனைத்து விக்கெட்டையும் பறி கொடுத்தனர். குஜராத் அணியில் அதிகபட்சமாக ரஷித் கான் மட்டும் நிதானமாக விளையாடி 31 ரன்கள் எடுத்தார். டெல்லி அணியில் முகேஷ் குமார் 3 விக்கெட்டையும், டிரிஸ்டன் ஸ்டப்ஸ், இஷாந்த் சர்மா தலா 2 விக்கெட்டையும், அக்சர் படேல், கலீல் அகமது தலா 1 விக்கெட்டை பறித்தனர்.
90 ரன்கள் எடுத்தால் வெற்றி என்ற எளிதான இலக்குடன் டெல்லியில் தொடக்க வீரர்களாக பிருத்வி ஷா, ஜேக் மெக்குர்க் இருவரும் களமிறங்கினார். ஆட்டம் தொடங்கியதும் ஜேக் மெக்குர்க் அதிரடியாக விளையாடினார். அதன்படி 10 பந்தில் இரண்டு சிக்சர், இரண்டு பவுண்டர் விளாசி 20 ரன்கள் எடுத்து 2-வது ஓவரில் விக்கெட்டை இழந்தார்.
மற்றொரு தொடக்க வீரரான பிருத்வி ஷா நிதானமாக விளையாடி வெறும் 7 ரன்கள் எடுத்து விக்கெட்டை பறி கொடுத்தார். அடுத்து களமிறங்கிய அபிஷேக் போரல், ஷாய் ஹோப் இருவரும் 5-வது ஓவரில் முதல் 3 பந்தில் 1 பவுண்டரியும், அடுத்த 2- பந்தில் 2 சிக்ஸர் விளாசினார். 5-வது பந்தை எதிர்கொண்ட அபிஷேக் போரல் சிக்ஸர் விளாச அடுத்த பந்தில் போல்ட் ஆகி பெவிலியன் திரும்பினார்.
5-வது ஓவரில் மட்டும் 23 ரன்கள் குவிக்கப்பட்டது. பவர் பிளேவின் கடைசி ஓவரான 6-வது ஓவரில் ஷாய் ஹோப் 19 ரன்கள் எடுத்து நடையை கட்டினார். இதனால் டெல்லி அணி 67 ரன்களுக்கு 4 விக்கெட்டை பறிகொடுத்தனர். இருப்பினும் நிதானமாக விளையாடி தங்களது இலக்கை டெல்லி எட்டியது. அதன்படி டெல்லி அணி 8.5 ஓவரில் 92 ரன்கள் எடுத்து 6 விக்கெட் வித்தியாசத்தில் வெற்றி பெற்றது.
டெல்லி அணி இதுவரை 7 போட்டிகள் விளையாடி 3 போட்டியில் வெற்றியும், 4 போட்டிகளில் தோல்வியும் தழுவியுள்ளது. அதே நேரத்தில் குஜராத் அணி 7 போட்டிகள் விளையாடி 3 போட்டியில் வெற்றியும், 4 போட்டிகளில் தோல்வியும் தழுவியுள்ளது.
கொல்கத்தா : இந்திய தேசிய கிரிக்கெட் அணி மற்றும் இங்கிலாந்து தேசிய கிரிக்கெட் அணிக்கு இடையேயான ஐந்து போட்டிகள் கொண்ட…
ஜல்கான்: மகாராஷ்டிரா மாநிலம் ஜல்கான் மாவட்டத்தில் நடந்த ரயில் விபத்தில் உயிரிழந்தவர்களின் எண்ணிக்கை 11 ஆக உயர்ந்துள்ளது. மேலும், இந்த…
சென்னை: அமைச்சர் தங்கம் தென்னரசு எக்ஸ் தள பதிவை மீண்டும் தனது வலைதளப் பக்கத்தில் பகிர்ந்துள்ள முதலமைச்சர் மு.க.ஸ்டாலின், 'நாளை…
சென்னை: நடிகை நயன்தாரா திருமண ஆவணப்படம் தொடர்பாக நடிகர் தனுஷ் ரூ.10 கோடி கேட்டு தொடர்ந்த வழக்கை நிராகரிக்கக் கோரி…
கொல்கத்தா: இந்தியாவுக்கு சுற்றுப்பயணம் மேற்கொண்டுள்ள இங்கிலாந்து கிரிக்கெட் அணி, இந்திய கிரிக்கெட் அணியுடன் 5 டி20 கிரிக்கெட் போட்டிகள் கொண்ட தொடர்,…
ஜல்கான் : மகாராஷ்டிராவின் ஜல்கான் மாவட்டத்தில் நடந்த ரயில் விபத்தில் 6 பேர் உயிரிழப்பு என தகவல் வெளியாகியுள்ளது. தண்டவாளத்தில்…
