DCvsUPW : அசத்தலான பந்துவீச்சு…யூபி வாரியர்ஸை 42 ரன்கள் வித்தியாசத்தில் வென்றது டெல்லி கேபிடல்ஸ்..!
யூபி வாரியர்ஸ் அணிக்கு எதிரான போட்டியில் டெல்லி கேபிடல்ஸ் அணி 42 ரன்கள் வித்தியாசத்தில் வெற்றி பெற்றது.
மகளிர் பிரீமியர் லீக் 2023 தொடரின் 5-வது போட்டியில் யூபி வாரியர்ஸ் அணி மற்றும் டெல்லி கேபிடல்ஸ் அணிகள் விளையாடியது. இதில் டாஸ் வென்ற யூபி வாரியர்ஸ் அணி முதலில் பந்துவீச்சை தேர்வு செய்தது. இதன்படி முதலில் களமிறங்கிய டெல்லி கேபிடல்ஸ் அணி தனது அபார பேட்டிங் திறமையால் 20 ஓவர்களில் 4 விக்கெட்டுகளை இழந்து 211 ரன்கள் குவித்தது.
212 ரன்கள் என்ற இலக்கில் யூபி வாரியர்ஸ் அணியின் அலிசா ஹீலி மற்றும் ஸ்வேதா செஹ்ராவத் தொடக்க ஆட்டக்காரர்களாக களமிறங்கினர். 24 ரன்கள் அடித்த நிலையில் அலிசா ஹீலி, ராதா யாதவ்வின் கேட்ச் ஆட்டமிழந்தார். இதையடுத்து தஹ்லியா மெக்ராத் இறுதிவரை நின்று அணியை முன்னோக்கி நகர்த்த முயற்சி செய்தார். இருந்தும் 20 ஓவர் முடிவில் 5 விக்கெட் இழப்பிற்கு 169 ரன்களை அடித்த யூபி வாரியர்ஸ் அணி, இலக்கை அடையமுடியாமல் தோல்வியடைந்தது.
டெல்லி கேபிடல்ஸ் 42 ரன்கள் வித்தியாசத்தில் யூபி வாரியர்ஸ் அணியை வெற்றி பெற்றது. யூபி வாரியர்ஸ் அணியில் அதிகபட்சமாக தஹ்லியா மெக்ராத் 90 ரன்களும், அலிசா ஹீலி 24 ரன்களும், தேவிகா வைத்யா 23 ரன்களும் குவித்துள்ளனர். டெல்லி கேபிடல்ஸ் அணியில் ஜெஸ் ஜோனாசென் 3 விக்கெட்டுகளை வீழ்த்தியுள்ளார். இந்த போட்டியின் சிறந்த வீராங்கனையாக ஜெஸ் ஜோனாசென் தேர்வு செய்யப்பட்டுள்ளார்.
