DCvRCB : மாஸ் காட்டிய டெல்லி அணி..! 6 விக்கெட் வித்தியாசத்தில் அசத்தல் வெற்றி..!

டெல்லி கேப்பிடல் பெண்கள் அணி 6 விக்கெட் வித்தியாசத்தில் ராயல் சேலஞ்சர்ஸ் பெங்களூர் அணியை வென்றது

மகளிர் பிரீமியர் லீக் 2023 தொடரின் 11-வது போட்டியில் டெல்லி கேபிடல்ஸ் பெண்கள் மற்றும் ராயல் சேலஞ்சர்ஸ் பெங்களூர் பெண்கள் அணிகள் விளையாடி வருகின்றன. இதில் டாஸ் வென்ற டெல்லி கேபிடல்ஸ் அணி, பெங்களூர் அணிக்கு எதிராக பந்துவீச்சை தேர்வு செய்தது. இதன்படி முதலில் களமிறங்கிய பெங்களூர் அணி, 20 ஓவர்களில் 4 விக்கெட்டுகளை இழந்து 150 ரன்கள் எடுத்துள்ளது.

151 ரன்கள் என்ற இலக்கில் டெல்லி கேப்பிடல் அணியின் மெக் லானிங் மற்றும் ஷஃபாலி வர்மா தொடக்க ஆட்டக்காரர்களாக களமிறங்கினர். வந்த வேகத்தில் ஷஃபாலி வர்மா பெவிலியன் திரும்பினார். அவரையடுத்து களமிறங்கிய ஆலிஸ் கேப்ஸி உடன் மெக் லானிங் இருவரும் ஆட்டமிழந்தனர். தங்களது அட்டகாசமான பேட்டிங்கால் மரிசான் கேப் மற்றும் ஜெஸ் ஜோனாசென் இறுதிவரை நின்று அணியை வெற்றி பெற வைத்தனர்.

19.4 ஓவர்களில் 154 ரன்களை அடித்த டெல்லி கேப்பிடல் அணி, 6 விக்கெட் வித்தியாசத்தில் பெங்களூர் அணியை வென்றது. டெல்லி கேப்பிடல் அணியில் அதிகபட்சமாக ஆலிஸ் கேப்ஸி 38 ரன்களும், ஜெமிமா ரோட்ரிக்ஸ் 32 ரன்களும், மரிசான் கேப் 32* ரன்களும், ஜெஸ் ஜோனாசென் 29* ரன்களும்  குவித்துள்ளனர். பெங்களூர் அணியில் ஆஷா ஷோபனா 2 விக்கெட்டுகளை வீழ்த்தியுள்ளார். இந்த போட்டியின் சிறந்த வீராங்கனையாக ஜெஸ் ஜோனாசென் தேர்வு செய்யப்பட்டுள்ளார்.