“சென்னை அணி சாம்பியன்களைப் போல வலுவாக திரும்பி வரும்!” – பிராவோ!

சென்னை அணி சாம்பியன்களைப் போல வலுவாகவும், சிறப்பாகவும் திரும்பி வரும் என பிராவோ நம்பிக்கையுடன் கூறியுள்ளார்.

ஐபிஎல் தொடர் விறுவிறுப்பாக நடைபெற்று வரும் சூழலில், சென்னை அணியின் முன்னணி வீரரான சுரேஷ் ரெய்னா மற்றும் ஹர்பஜன் சிங், சில தனிப்பட்ட பிரச்சனைகள் காரணமாக ஐபிஎல் தொடரில் இருந்து விலகுவதாக அறிவித்தனர். மேலும், ஐபிஎல் தொடரில் சிறந்த அணியாக விலங்கும் சென்னை சூப்பர் கிங்ஸ் அணி, நடப்பாண்டில் தொடர்ந்து தோல்விகளை சந்தித்து வந்தது.

தொடர் தோல்வி காரணமாக சென்னை அணியையும், கேப்டன் தோனியையும் விமர்சிக்க தொடங்கினார்கள். டெல்லி அணிக்கு எதிரான போட்டியின்போது சென்னை அணியின் நட்சத்திர வீரர் பிராவோக்கு காயம் ஏற்பட்டுள்ளது. இதனால் அவர் ஐபிஎல் தொடரில் இருந்து முற்றிலுமாக விலகி, தாயகம் திரும்பவுள்ளதாக சென்னை அணியின் சி.இ.ஓ காசி விஸ்வநாதன் தெரிவித்துள்ளார்.

இதுகுறித்து பிராவோ வெளியிட்டுள்ள ஒரு விடியோவை சென்னை அணி தனது ட்விட்டர் பக்கத்தில் பகிர்ந்துள்ளது. அந்த வீடியோவில் பிராவோ, சென்னை ரசிகர்கள் அனைவரும் தொடர்ந்து தங்களின் ஆதரவை அளித்து வாருங்கள் என கூறிய பிராவோ, தங்களால் முடிந்தளவு சிறப்பாக ஆடினோம். அது ரசிகர்களுக்கு ஏமாற்றத்தை அளித்ததாக கூறியுள்ளார்.

தொடர்ந்து எங்களுக்கு ஆதரவளிக்குமாரும், நாங்கள் சாம்பியன்களைப் போல வலுவாகவும், சிறப்பாகவும் வருவோம் என்று நம்பிக்கையுடன் கூறிய பிராவோ, நாங்கள் மிகவும் நம்பிக்கையாக இருக்கிறோம், சென்னை அணியின் மெம்பராகவும், ரசிகர்களாகவும் இருக்கு நாம் பெருமைப்பட வேண்டும் என தெரிவித்துள்ளார்.