ரன் இயந்திரத்தை கட்டுப்படுத்துமா பெங்களூரு ? ஹைத்ராபாத்துடன் இன்று பலப்பரீட்சை!!

#image_title

ஐபிஎல் 2024 : ஐபிஎல் தொடரில் இன்றைய போட்டியாக ஹைதராபாத் அணியும், பெங்களுரு அணியும் மோதுகிறது.

இந்த ஆண்டில் நடைபெற்று வரும் ஐபிஎல் தொடரில் 41-வது போட்டியாக இன்றைய போட்டியில் சன்ரைடர்ஸ் ஹைதராபாத் அணியும், ராயல் சேலஞ்சர்ஸ் பெங்களூரு அணியும் இன்று இரவு 7.30 மணிக்கு ஹைதராபாத்தில் ராஜிவ் காந்தி மைதானத்தில் நடைபெற உள்ளது. இதற்கு முன் இந்த ஐபிஎல் தொடரில் இந்த இரு அணிகளும் மோதும் பொழுது ஹைதராபாத் அணி 287 ரன்களை குவித்தது. அந்த போட்டியை 25 ரன்கள் வித்தியாசத்தில் வெற்றியும் பெற்றது.

பெங்களூரு அணியும் அந்த போட்டியை கடுமையாக முயற்சித்தது வெற்றியின் விளிம்பு வரை வந்து தோல்வியடைந்தது. அதிலும் தினேஷ் கார்த்திக்கின் அதிரடியான ஆட்டத்தால் தான் ஹைதராபாத் அணி நிர்ணயித்த ஸ்கோரின் அருகில் வரை செல்ல முடிந்தது. இதனால் திருப்பி கொடுக்க ஆர்சிபி அணி இன்றைய போட்டியில் களமிறங்குகிறது.

நேருக்கு நேர் :

இதுவரை நடைபெற்ற ஐபிஎல் தொடரில் இந்த இரு அணிகளும் நேருக்கு நேர் தலா 24 போட்டிகளில் விளையாடி உள்ளது அதில் 10 போட்டிகள் பெங்களூர் அணியும் 13 போட்டிகள் ஹைதராபாத் அணியும் வெற்றி பெற்றுள்ளது மேலும் ஒரு போட்டி முடிவில்லாமல் இருக்கிறது. இதன் மூலம் இந்த போட்டியை ஹைதராபாத் அணி வெற்றி பெறும் என்று ரசிகர்களால் கருதப்படுகிறது.

எதிர்பார்க்கப்படும் 11 வீரர்கள் :

ஹைதராபாத் அணி வீரர்கள் :

டிராவிஸ் ஹெட், அபிஷேக் ஷர்மா, ஐடன் மார்க்ராம், ஹென்ரிச் கிளாசென் (விக்கெட் கீப்பர்), அப்துல் சமத், நிதிஷ் ரெட்டி, ஷாபாஸ் அகமது, பாட் கம்மின்ஸ் (கேப்டன்), புவனேஷ்வர் குமார், ஜெய்தேவ் உனட்கட், டி நடராஜன்.

பெங்களூரு அணி வீரர்கள் :

விராட் கோலி, ஃபாஃப் டு பிளெசிஸ் (கேப்டன்), வில் ஜாக்ஸ், ரஜத் படிதார், கிளென் மேக்ஸ்வெல், தினேஷ் கார்த்திக் (விக்கெட் கீப்பர்), மஹிபால் லோம்ரோர், ரீஸ் டாப்லி, விஜய்குமார் வைஷாக், முகமது சிராஜ், ஆகாஷ் தீப்.