ராஜஸ்தான் அணிக்காக 1,000 ரன்களை அடித்து கொடுப்பாரா பட்லர்..?

டெல்லிக்கு எதிரான போட்டியில் ராஜஸ்தான் அணியின் அதிரடி ஆட்டக்காரர் ஜோஸ் பட்லர் 24 ரன்கள் அடித்தால் ராஜஸ்தான் ராயல்ஸ் அணிக்காக அவர் அடித்த ரன்களின் எண்ணிக்கை 1,000 ஆகிவிடும். 

ராஜஸ்தான் ராயல்ஸ் அணியின் அதிரடி ஆட்டக்காரர் ஜோஸ் பட்லர் இதுவரை 50 போட்டிகள் விளையாடி 1,503 ரன்கள் அடித்துள்ளார். இதில் 148 பவுண்டரிகள் மற்றும் 69 சிக்ஸர்கள் விளாசியுள்ளார். மேலும் இந்த சீசன் ஐபிஎல் தொடரில் 5 போட்டிகள் விளையாடி 117 ரன்கள் அடித்துள்ளார்.

இந்த நிலையில் இன்று டெல்லி அணி ராஜஸ்தான் ராயல்ஸ் அணிக்கு எதிரான போட்டியில் மோதி வருகிறது. இந்த போட்டியில் டாஸ் வென்ற ராஜஸ்தான் அணி கேப்டன் ஸ்மித் பந்துவீச்சை தேர்வு செய்துள்ளது. அதன் படி முதலில் டெல்லி அணி பேட்டிங் செய்து வருகிறது.

இந்த நிலையில் இன்று நடைபெறும் இந்த போட்டியில் ஜோஸ் பட்லர் 2 பவுண்டரிகள் மற்றும், 2 சிக்ஸர்கள் அடித்தால் அவர் அடித்த பவுண்டரிகள், ராஜஸ்தான் அணிக்காக அவர் அடித்த சிக்ஸர்களின் எண்ணிக்கை 50 ஆகிவிடும். அதைபோல் 24 ரன்கள் அடித்தால் ராஜஸ்தான் அணிக்காக 1000 ரன்களை அடித்துவிடுவார்.