பும்ரா கேப்டன்.. ருதுராஜ் துணை கேப்டன்.! புதிய டி20 அணி அறிவிப்பு.!

இந்திய கிரிக்கெட் அணியானது அயர்லாந்து சென்று அங்கு மூன்று டி20 போட்டிகளில் விளையாட உள்ளது. இதற்காகசீனியர் வீரர்களுக்கு ஓய்வு அளிக்கப்பட்டுள்ளது. அயர்லாந்து செல்லும் இந்திய அணியின் விவரம் தற்போது வெளியாகி உள்ளது.

காயம் காரணமாக ஓய்வு அளிக்கப்பட்டு இருந்த இந்திய அணி பந்துவீச்சாளர் பும்ரா தற்போது அணியில் சேர்க்கப்பட்டுள்ளார். அதுவும் இளம் கிரிக்கெட் அணிக்கு கேப்டனாக நியமிக்கப்பட்டுள்ளார் துணை கேப்டனாக சென்னை சூப்பர் கிங்ஸ் அணி வீரர் ருத்ராஜ் கெய்க்வாட் நியமிக்கப்பட்டுள்ளார்.

மேலும், சிஎஸ்கே அணி வீரர் சிவம் டுபே, ஜெய்ஸ்வால், திலக் வர்மா , சஞ்சு சாம்சன், ஜித்தேஷ் சர்மா ஆகியோர் அணியில் சேர்க்கப்பட்டுள்ளனர். வாஷிங்டன் சுந்தர், சேஷாஸ் அகமத், ரவி பிஸ்னோய், பிரசித் கிருஷ்ணா, ஆர்சித் சிங் ஆகியோர் உள்ளனர்.

முதல் டி20 போட்டி வருகிற 18-ஆம் தேதி நடைபெற உள்ளது. அடுத்து 20ஆம் தேதியும் 23ஆம் தேதியும் அடுத்தடுத்த t20 போட்டிகள் நடைபெற உள்ளன. ஆகஸ்ட் 31ஆம் தேதி ஆசிய கோப்பை விளையாட்டு தொடர் தொடங்க உள்ள நிலையில், இந்த தொடர் முக்கியமானதாக பார்க்கப்டுகிறது.