BGT2023: சதம் அடித்த கில், இந்தியா பொறுப்பான ஆட்டம்; 188/2 ரன்கள் குவிப்பு.!

இந்தியா-ஆஸ்திரேலியா இடையேயான 4-வது டெஸ்டில் 3வது நாள் தேநீர் இடைவேளை முடிவில் இந்தியா 188/2 ரன்கள் குவிப்பு.

இந்தியா-ஆஸ்திரேலியா இடையே, பார்டர்-கவாஸ்கர் டெஸ்ட் தொடரின் 4-வது மற்றும் கடைசி போட்டி குஜராத் நரேந்திர மோடி மைதானத்தில் நடைபெற்று வருகிறது. இதில் டாஸ் வென்று முதலில் பேட்டிங் செய்த ஆஸ்திரேலியா முதல் இன்னிங்சில் உஸ்மான் கவாஜா(180 ரன்கள்) மற்றும் கேமரூன் க்ரீன்(114 ரன்கள்) ஆகியோரின் சிறப்பான ஆட்டத்தால் 480 ரன்கள் எடுத்தது.

இந்தியா சார்பில் அஸ்வின் 6 விக்கெட்களும், ஷமி 2 விக்கெட்களும் வீழ்த்தினர். இதனையடுத்து களமிறங்கிய இந்திய அணியில் முதல் விக்கெட்டுக்கு 74 ரன்கள் எடுத்த நிலையில், கேப்டன் ரோஹித் சர்மா 35 ரன்களில் ஆட்டமிழந்தார். அதன் பிறகு களமிறங்கிய புஜாரா, கில்லுடன் ஜோடி சேர்ந்து இருவரும் பொறுப்புடன் விளையாடினர்.

சிறப்பாக விளையாடி சதம் கடந்த கில், தனது இரண்டாவது டெஸ்ட் சதத்தை பூர்த்தி செய்தார். அரைசதமடிப்பார் என்று எதிர்பார்த்திருந்த நிலையில் புஜாரா 42 ரன்களில் மர்பி பவுலிங்கில் ஆட்டமிழந்தார். தேநீர் இடைவேளை வரை இந்திய அணி, 2 விக்கெட் இழப்புக்கு 188 ரன்கள் குவித்துள்ளது.

கில் 103* ரன்களிலும், கோலி 0* ரன்களிலும் களத்தில் விளையாடி வருகின்றனர். ஆஸ்திரேலிய அணியை விட, இந்திய அணி இன்னும் 292 ரன்கள் பின்தங்கிய நிலையில் இருக்கிறது.