ஆஸ்திரேலியாவை வீழ்த்தி கோப்பையை கைப்பற்றிய பங்களாதேஷ் ..!

பங்களாதேஷ் அணி 4 -1 என்ற கணக்கில் கோப்பையை கைப்பற்றியது.

பங்களாதேஷ் சுற்றுப் பயணம் மேற்கொண்டுள்ள ஆஸ்திரேலிய அணி 5 டி20 போட்டிகளில் விளையாடியது. இதில் முதல் மூன்று போட்டிகளில் பங்களாதேஷ் அணி வெற்றி பெற்று கோப்பையை கைப்பற்றியது. பின்னர் நடைபெற்ற நான்காவது போட்டியில் ஆஸ்திரேலிய அணி 3 விக்கெட் வித்தியாசத்தில் வெற்றி பெற்றது.

இந்நிலையில் இன்று 5வது மற்றும் கடைசி டி20 போட்டி நடைபெற்றது. இப்போட்டியில் முதலில் களமிறங்கிய பங்களாதேஷ் அணி 20 ஓவர் முடிவில் 8 விக்கெட்டுகளை பறிகொடுத்து 122 ரன்கள் எடுத்தன. இதைத் தொடர்ந்து களமிறங்கிய ஆஸ்திரேலிய அணி 13.4 ஓவரில் அனைத்து விக்கெட்டுகளையும் இழந்து வெறும் 62 ரன்கள் மட்டுமே எடுத்தனர்.

இதனால் பங்களாதேஷ் அணி 60 ரன்கள் வித்தியாசத்தில் வெற்றி பெற்றது. இதைத் தொடர்ந்து பங்களாதேஷ் அணி 4 -1 என்ற கணக்கில் கோப்பையை கைப்பற்றியது.