பாகிஸ்தான் அணியை 115 ரன்கள் வித்தியாசத்தில் வீழ்த்தி ஆஸ்திரேலியா தொடரை 1-0 என கைப்பற்றியது.
பாகிஸ்தான் ஆஸ்திரேலியா அணிகளுக்கு இடையில் 3 போட்டிகள் கொண்ட டெஸ்ட் தொடரின் முதல் மற்றும் இரண்டாவது டெஸ்ட் போட்டிகள் டிராவில் முடிந்தன. இதைத்தொடர்ந்து, லாகூரில் நடைபெற்ற பாகிஸ்தான் ஆஸ்திரேலியா அணிகளுக்கு இடையிலான மூன்றாவது டெஸ்ட் போட்டியில் 115 ரன்கள் வித்தியாசத்தில் ஆஸ்திரேலியா வெற்றி பெற்றது.
ஆஸ்திரேலியா வெற்றி:
3 போட்டிகள் கொண்ட டெஸ்ட் தொடரை 1-0 என்ற கணக்கில் ஆஸ்திரேலியா கைப்பற்றியது. மூன்றாவது டெஸ்ட் போட்டியில் ஆஸ்திரேலியா முதல் இன்னிங்சில் 391 ரன்கள் எடுத்தது. அதன் பிறகு பாகிஸ்தானின் முதல் இன்னிங்ஸில் 268 ரன்கள் மட்டுமே எடுத்தது. இதன் மூலம் ஆஸ்திரேலியா முதல் இன்னிங்ஸில் 123 ரன்கள் முன்னிலை உடன் இரண்டாவது இன்னிங்ஸை தொடங்கிய ஆஸ்திரேலிய அணி 227 ரன்கள் எடுத்து இன்னிங்ஸை டிக்ளேர் செய்தது.
இதனால், ஆஸ்திரேலியா பாகிஸ்தானுக்கு 351 ரன்கள் இலக்கை நிர்ணயித்தது. பின்னர், 2-வது இன்னிங்ஸை விளையாடிய பாகிஸ்தான் அணி 235 ரன்கள் மட்டுமே எடுக்க முடிந்தது. இதனால், ஆஸ்திரேலியா 115 ரன்கள் வித்தியாசத்தில் வெற்றி பெற்றது.
24 ஆண்டுகளுக்குப் பிறகு சுற்றுப்பயணம்:
24 ஆண்டுகளுக்குப் பிறகு ஆஸ்திரேலிய அணி பாகிஸ்தானுக்கு சுற்றுப்பயணத்தில் இந்த ஆண்டு வந்தது. 1998-ல் ஆஸ்திரேலிய அணி பாகிஸ்தானில் சுற்றுப்பயணம் செய்தபோது டெஸ்ட் தொடரை ஆஸ்திரேலியா 1-0 என கைப்பற்றியது. தற்போது மீண்டும் 2022-ல் பாகிஸ்தானில் நடந்த 3 டெஸ்ட் போட்டிகள் கொண்ட தொடரை 1-0 என ஆஸ்திரேலியா கைப்பற்றியுள்ளது. இதனால், பாகிஸ்தானில் ஆஸ்திரேலியாவின் மூன்றாவது டெஸ்ட் தொடர் வெற்றி பெற்றுள்ளது.
முன்னதாக 1960-ம் ஆண்டு பாகிஸ்தான் சுற்றுப்பயணத்தில் ஆஸ்திரேலியா டெஸ்ட் தொடரை 2-0 என கைப்பற்றியது. அப்போது ஆஸ்திரேலிய அணிக்கு ரிச்சி பெனாட் தலைமை தாங்கினார். இதன்பிறகு, 1998-ம் ஆண்டு பாகிஸ்தானில் நடந்த டெஸ்ட் தொடரை ஆஸ்திரேலியா 1-0 என்ற கணக்கில் கைப்பற்றியது. அந்த ஆஸ்திரேலிய அணியின் கேப்டனாக மார்க் டெய்லர் இருந்தார்.
சென்னை : கமல்ஹாசன் கடைசியாக நடித்த இந்தியன் 2 படம் பெரிய எதிர்பார்ப்புகளுக்கு மத்தியில் வெளியாகி எதிர்மறையான விமர்சனங்களை சந்தித்து…
சென்னை : இயக்குநர் தமிழரசன் பச்சமுத்து இயக்கத்தில் ஹரிஷ் கல்யாண், அட்டகத்தி தினேஷ், சஞ்சனா, சுவாசிகா ஆகியோர் நடித்துள்ள 'லப்பர்…
ஆந்திரா : ஜெகன் மோகன் ரெட்டியின் ஆட்சியில் திருப்பதி கோவிலின் பிரசாத லட்டுவில் விலங்குகளின் கொழுப்பு பயன்படுத்தப்பட்டதாக ஆந்திர மாநில…
சென்னை : குக் வித் கோமாளி நிகழ்ச்சியில் தொகுப்பாளராக செயல்பட்டு வந்த மணிமேகலை நிகழ்ச்சியில் பிரியங்கா தன்னுடைய வேலையை செய்யவிடாமல் அவருடைய…
ஆந்திர பிரதேசம் : திருப்பதி ஏழுமலையான் கோயிலில் சுவாமி பிரசாதமாக அளிக்கப்படும் லட்டு தயாரிக்க, பயன்படுத்தப்படும் நெய்யில், மீன் எண்ணெய்,…
சென்னை -சத்தான பாசிப்பயிறு லட்டு செய்வது எப்படி என இந்த செய்தி குறிப்பில் காணலாம். தேவையான பொருட்கள்; பாசிப்பயிறு- ஒரு…