ஆஸ்திரேலிய தொடர் தான் கடைசி டெஸ்ட் தொடர் … மனைவியிடம் கூறிய அஷ்வின்.!

Published by
Muthu Kumar

ஆஸ்திரேலிய டெஸ்ட் தொடர் தான் தனக்கு கடைசி தொடராக அமையலாம் என அஷ்வின் தன் மனைவியிடம் கூறியதாக பேட்டி.

இந்திய அணியின் முன்னணி சுழற்பந்து வீச்சாளரும், உலகின் நம்பர் ஒன் டெஸ்ட் பவுலருமான ரவிச்சந்திரன் அஷ்வின், சமீபத்தில் அளித்துள்ள பேட்டியில் விரைவில் எனது கிரிக்கெட் வாழ்க்கை முடிவுக்கு வந்துவிடும் என்று அஞ்சியதாக கூறியுள்ளார்.

இது குறித்து  இந்தியன்  எக்ஸ்பிரஸ் நாளிதழுக்கு அவர் அளித்துள்ள பேட்டியில் நான் கடந்த 2022 டிசம்பர் மாதம் வங்கதேசத்துக்கு எதிரான டெஸ்ட் தொடரின் போது கால் முட்டுப் பகுதியில் ஏற்பட்ட வலியின் காரணமாக எனது கிரிக்கெட் வாழ்க்கையை முடிவுக்கு கொண்டு வரும் விதமாக ஒரு முடிவு எடுக்க நேர்ந்தது என்று கூறினார்.

சில காலமாக கால் முட்டு பகுதியில் தொடர்ந்து ஏற்பட்டு வலியின் காரணமாக அஷ்வின் தனது பவுலிங் செய்கையில்(Action) ஆஸ்திரேலிய தொடரின்(2023) போது மாற்றம் செய்தார். கடந்த நான்கு ஆண்டுகளாக வெற்றிகரமாக இருந்து வந்த தனது பவுலிங் செய்கையை, அஷ்வின் கால் முட்டு வலியின் காரணமாக மாற்ற நேரிட்டது.

மேலும் வங்கதேசத்துக்கு எதிரான டெஸ்ட் தொடர் முடிந்த பிறகு நான் என் மனைவியிடமும் இது குறித்து கூறியிருந்தேன், வரும் ஆஸ்திரேலியா டெஸ்ட் தொடர் தனக்கு கடைசி தொடராக அமையலாம் என்று கூறியதாக அஸ்வின் தெரிவித்தார். எனக்கு முட்டியில் சில பிரச்சனைகள் இருக்கிறது, பந்துவீசும்போது அதிக அழுத்தம் முட்டியில் விழுவதினால் நான் எனது பவுலிங் செய்கையை சிறிது மாற்ற இருக்கிறேன் என அவர் கூறியிருக்கிறார்.

Ash aus series [Image – TOI]

இந்த பௌலிங் செய்கையை மாற்றுவது குறித்து அஷ்வின் கூறும்போது, நான் கடந்த நான்காண்டுகளாக பந்து வீசி வந்த பவுலிங் ஆக்சனை திடீரென்று மாற்றுவது முட்டாள்தனமாக இருக்கலாம். ஆனால் நான் தற்போது என்னுடைய பவுலிங் ஆக்சனை 2013-14 ஆம் ஆண்டுகளில், வீசியது போல மாற்றம் செய்யப் போவதாக அஷ்வின் தெரிவித்தார்.

Ash bowl Action [Image – BCCI]

மேலும் இந்த புது பௌலிங் செய்கையும் அஷ்வினை எந்த விதத்திலும் பாதிக்கவில்லை, அவர் வழக்கம்போல் ஆஸ்திரேலிய டெஸ்ட் தொடரில் அதிக விக்கெட்கள்(25) வீழ்த்தினார். இது குறித்து அஷ்வின் கூறும் போது நான் என்னைப் பற்றி இந்த விஷயத்தில் மிகவும் பெருமைப்படுகிறேன்.

எனது கிரிக்கெட் வாழ்க்கையை முடிவுக்கு கொண்டுவரும் சில முக்கிய முடிவுகளை எடுக்க நேரிடும் பொழுது, நான் அதைப் பற்றி யோசிக்காமல் தைரியமாக ஒரு பந்துவீச்சாளராக இந்த சவாலை எதிர்கொண்டு இந்த கடின முடிவை எடுத்தேன். 36 வயதில் என்னால் பவுலிங் செய்கையில் மாற்றம் செய்து பந்து வீச முடியும் என்பதை விட மிகப்பெரிய சவால் என் வாழ்க்கையில் இருந்ததில்லை.

என்னால் பழைய பவுலிங் ஆக்ஷனில் பந்துவீசி அதில் 15, 16 விக்கெட்டுகள் எடுப்பது எளிது என்றாலும் அதில் எனக்கு திருப்தி ஏற்படுவதில்லை, அணிக்காக ஏதாவது புதிதாக செய்து கொண்டிருப்பதில் என்னை நான் எப்பொழுதும் தயார் படுத்திக் கொண்டே இருப்பேன் என்று அஷ்வின் மேலும் கூறினார்.

Published by
Muthu Kumar

Recent Posts

கிடைத்தது முக்கிய அங்கீகாரம்… இனி நாம் தமிழர் கட்சியும் ஒரு மாநில கட்சி!

சென்னை : சீமான் தலைமையில் 2010ஆம் ஆண்டு மே மாதம் ஆரம்பிக்கப்பட்ட கட்சி 'நாம் தமிழர் கட்சி'. அப்போது முதல்…

3 minutes ago

த.வெ.க மாவட்ட செயலாளர்கள் நியமன குழப்பம்! அடுத்தடுத்த நகர்வுகள் என்ன?

சென்னை : தமிழக வெற்றிக் கழகம் எனும் கட்சியை நடிகர் விஜய் தொடங்கி வரும் பிப்ரவரி மாதத்தோடு ஓராண்டு நிறைவு…

29 minutes ago

இஸ்ரோ வெளியிட்ட ஹேப்பி நியூஸ்! நாளை விண்ணில் ‘மிக’ முக்கிய நிகழ்வு!

டெல்லி : விண்வெளியில் இரண்டு செயற்கை கோள்களை ஸ்பேஸ் டாக்கிங் (Space Docking) செயல்முறை மூலம் இணைக்கும் நோக்கத்திற்காக ஸ்ரீஹரிகோட்டாவில்…

2 hours ago

சட்டப்பேரவையில் காரசார விவாதம்.. ஈபிஎஸ்க்கு சவால் விடுத்த மு.க ஸ்டாலின்!

சென்னை: தமிழக சட்டப்பேரவையில் இன்று  முதலமைச்சர் மு.க.ஸ்டாலின் - எதிர்க்கட்சித் தலைவர் எடப்பாடி பழனிசாமி இடையே காரசார விவாதம் நடந்தது.…

3 hours ago

“சீமான் கருத்துக்கள் பதற்றத்தை ஏற்படுத்துகிறது!” உயர்நீதிமன்றம் அதிரடி உத்தரவு!

மதுரை : நாம் தமிழர் கட்சி ஒருங்கிணைப்பாளர் சீமான் அண்மையில் கடலூர் மற்றும் புதுச்சேரியில் நடைபெற்ற செய்தியாளர் சந்திப்புகளின் போது…

3 hours ago

கரடு முரடான ரோட்டிற்கு குட்’பை’… விரைவில் வருகிறது பறக்கும் கார்? வைரல் வீடியோ உள்ளே…

சீனா : கார் ஒட்டிக்கொண்டு சாலையில் வேகமாக செல்லும் போது சில சமயங்களில்,  சாலைகளில் இருக்கும் மேடு பள்ளங்களை கவனிக்காமல்…

4 hours ago