[file image]
இந்தியா, பாகிஸ்தான், இலங்கை, ஆப்கானிஸ்தான், நேபால், வங்கதேசம் ஆகிய 6 அணிகள் பங்கேற்கும் ஆசிய கோப்பை 2023 கிரிக்கெட் தொடர் சென்ற 30ம் தேதி தொடங்கி, இதுவரை 2 போட்டிகள் முடிவடைந்துள்ளது. பாகிஸ்தானியில் நடந்த முதல் போட்டியில் நேபாளத்தை வீழ்த்தி பாகிஸ்தான் அணி அபார வெற்றி பெற்றது. இதன்பின் நேற்று இலங்கையில் நடந்த போட்டியில் வங்கதேசத்தை சுலபமாக வென்றது இலங்கை அணி.
இதுபோன்று ஆசிய கோப்பை தொடர் தொடங்கி விறுவிறுப்பாக நடைபெற்று வருகிறது. இந்த சமயத்தில், உலக கிரிக்கெட் ரசிகர்கள் ஆவலுடன் எதிர்பார்த்து காத்திருக்கும் ஒரு போட்டி தான் இந்தியா – பாகிஸ்தான். வேறு எந்த போட்டிக்கும் இல்லாத அளவுக்கு இந்த இரண்டு அணிகள் மோதும் போட்டி மிக சுவாரஸ்யமாகவும், பரபரப்பாகவும் இருக்கும். இன்று போட்டி ஓய்வு நாள் என்பதால், நாளை நடைபெறும் ஆட்டத்தில் மிக முக்கியமான போட்டியாக பார்க்கப்படும் இந்தியா- பாகிஸ்தான் அணிகள் மோத உள்ளன.
ஆசிய கோப்பை தொடரின் 3வது போட்டில், நாளை இந்தியாவும், பாகிஸ்தானும் மோதுகிறது. இலங்கையில் பல்லேகெல்லே மைதானத்தில் நாளை மதியம் 3 மணிக்கு போட்டி தொடங்குகிறது. இருப்பினும், நாளை 90% மழைக்கு வாய்ப்பு இருப்பதாகவும் தகவல் வெளியாகியுள்ளது. இருந்தாலும், வெற்றியுடன் வரும் பாகிஸ்தான் அணியும், முதல் போட்டியில் பரம எதிரிக்கு எதிராக களமிறங்கும் இந்திய அணியும் தீவிர பயிற்சியில் உள்ளது.
இந்த நிலையில், பாகிஸ்தானின் முன்னாள் ஆல்-ரவுண்டர் அப்துல் ரசாக் கூறுகையில், கேப்டன் பாபர் அசாம் தலைமையிலான பாகிஸ்தான் அணி பதற்றம் அடைய வேண்டாம். ஒவ்வொரு போட்டியிலும் குறிப்பாக பரம எதிரியான இந்தியாவுக்கு எதிராக 100% கொடுக்க வேண்டும் என விரும்புகிறேன். ஆசிய கோப்பை 2023 குரூப் ஸ்டேஜ் மோதலில் மென் இன் கிரீன், மென் இன் ப்ளூ அணிக்கு எதிராக தோற்றாலும் பரவாயில்லை, பாகிஸ்தான் அணியில் விளையாடும் XI-இல் மாற்றங்களை செய்யக்கூடாது என அறிவுறுத்தினார்.
நாளை இந்தியாவுக்கு எதிராக விளையாடும் பாகிஸ்தான் 100% தங்களால் முடிந்ததை செய்ய வேண்டும். நேபாளுக்கு எதிரான போட்டி, இந்தியாவுக்கு எதிராக விளையாட உள்ள ஆட்டத்திற்கு நல்ல ஒரு தொடக்கமாக அமைந்தது. ஏனெனில், பாகிஸ்தான் அணி மீது எங்களுக்கு நம்பிக்கையை கொடுத்தது. இந்தியா-பாகிஸ்தான் போட்டி எப்போதும் ஒரு தீவிரமாக இருக்கும். ஒவ்வொரு போட்டியிலும் 100% கொடுக்க விரும்புகிறோம், அங்கேயும் அதைச் செய்வோம் என்று நம்புகிறேன். தற்போதைய பாகிஸ்தான் அணி பேலன்ஸ் நிறைந்ததாக இருக்கிறது. உங்களிடம் நல்ல பேட்ஸ்மேன்கள் மற்றும் மிடில் ஆர்டரில் ஆல் ரவுண்டர்கள் இருக்கின்றனர்.
மேலும், வேகம் மற்றும் சுழல் பந்து வீச்சு துறையில் நீங்கள் பலமாக இருக்கிறீர்கள். எனவே அனைத்தையும் கொண்டிருக்கும் நீங்கள் (பாகிஸ்தான்) இந்த கலவையை சிறப்பாக பயன்படுத்தி, இதே அணியை தொடர வேண்டும். அதனால், ஒருவேளை நாம் இந்தியாவுக்கு எதிரான போட்டியில் தோற்றாலும் பரவாயில்லை, நீங்கள் தற்போது அணியை மாற்றக்கூடாது. ஏனெனில், இந்த நேரத்தில் இதுவே சிறந்த அணியாக இருக்கிறது என கூறினார்.
இதனிடையே, நேபாளுக்கு எதிராக முதல் போட்டியில் களமிறங்கிய பாகிஸ்தான் அணி பேட்டிங் மற்றும் பந்துவீச்சில் மிரட்டியது. இப்போட்டியில் ஃபகார் ஜமான், இமாம்-உல்-ஹக், பாபர் அசாம் (c), முகமது ரிஸ்வான் (WK), ஆகா சல்மான், இப்திகார் அகமது, ஷதாப் கான், முகமது நவாஸ், ஷாஹீன் அப்ரிடி, நசீம் ஷா, ஹாரிஸ் ரவுஃப் ஆகியோருடன் பந்துவீச்சு, பேட்டிங் என இரண்டிலும் பலமான அணியாக பாகிஸ்தான் களமிறங்கியது. ஒரு திடமான டாப் ஆர்டர் மற்றும் உலகத் தரம் வாய்ந்த பந்துவீச்சுப் பிரிவு அவர்களின் அணியில் இருப்பதால், மென் இன் கிரீன் நிச்சயமாக ஒரு பலமான விளையாடும் XI-ஐ கொண்டுள்ளது என்றே கூறப்படுகிறது.
டெல்லி : எய்ம்ஸ் மருத்துவமனையில் உடல்நல குறைவு காரணமாக முன்னாள் பிரதமர் மன்மோகன் சிங் சிகிச்சை பெற்று வந்த நிலையில்,…
வதோதரா : இந்திய மகளிர் கிரிக்கெட் அணி மேற்கிந்திய தீவுகளுக்கு சுற்றுப்பயணம் மேற்கொண்டு 3 டி0 போட்டிகள், 3 ஒரு…
சென்னை : அண்ணா பல்கலைக்கழக வளாகத்தில் மாணவி ஒருவருக்கு நடந்த பாலியல் வன்கொடுமை செய்யப்பட்ட சம்பவம் பேரதிர்ச்சியை ஏற்படுத்தியுள்ளது. இந்த…
தூத்துக்குடி : சென்னையில் உள்ள அண்ணா பல்கலைகழகத்தில் மாணவிக்கு நடந்த பாலியல் வன்கொடுமை சம்பவம் பெரும் அதிர்ச்சியை ஏற்படுத்தியுள்ளது. இந்த சம்பவத்தில்…
சென்னை :முளைக்கட்டிய பச்சைபயிறு முட்டை மசாலா செய்வது எப்படி இந்த செய்தி குறிப்பில் காணலாம். தேவையான பொருள்கள்; முளைகட்டிய பச்சைப்பயிறு-…
இலங்கை : தமிழக மீனவர்கள் எல்லை தாண்டி மீன்பிடித்ததால் இலங்கை கடற்படையினர் கைது செய்தனர், மீனவர்கள் தடை செய்யப்பட்ட வலைகளை…
