டெஸ்ட் வீரர்களுக்கான தரவரிசையில் அஸ்வின், ஷ்ரேயஸ் ஐயர் முன்னேற்றம்.!

சர்வதேச டெஸ்ட் வீரர்களுக்கான தரவரிசையில் அஸ்வின் மற்றும் ஷ்ரேயஸ் ஐயர் முன்னேறியுள்ளனர்.

வங்கதேசத்திற்கு எதிரான டெஸ்ட் தொடரை 2-0 என்ற கணக்கில் இந்தியா வென்றதையடுத்து ஐசிசி வெளியிட்டுள்ள தரவரிசை பட்டியலில்,தொடரில் சிறப்பாக விளையாடிய அஸ்வின் மற்றும் ஷ்ரேயஸ் ஐயர் முன்னேற்றம் அடைந்துள்ளனர்.

இந்த தொடரில் ஷ்ரேயஸ் ஐயர் இரண்டு அரைசதங்களுடன் 202 ரன்கள் குவித்துள்ளார். மேலும் இரண்டாவது டெஸ்ட் போட்டியில் தோற்கவேண்டிய நிலையிலிருந்த இந்திய அணிக்கு ஷ்ரேயஸ் மற்றும் அஸ்வின் இருவரும் நிலைத்து நின்று வெற்றியைத் தேடித் தந்தனர். மேலும் அஸ்வின் இந்த தொடரில் 7 விக்கெட்கள் வீழ்த்தியுள்ளார்.

பேட்ஸ்மேன்களுக்கான தரவரிசையில் ஷ்ரேயஸ் ஐயர் 10 இடங்கள் முன்னேறி 16-வது இடத்திலும், பௌலர்களுக்கான தரவரிசையில் அஸ்வின் ஒரு இடம் முன்னேறி 812 புள்ளிகளுடன் பும்ராவுடன் 4-வது இடத்தை பகிர்கிறார். டாப் 10 இல் இருக்கும் பௌலர்களில் ஒரே ஸ்பின்னர் அஸ்வின் தான். ரிஷப் பந்த் அதே 6-வது இடத்தில் இருக்கிறார்.