AFGvsSA [File Image]
SAvsAFG: உலகக்கோப்பை ஒருநாள் கிரிக்கெட் தொடரில் இன்று 42 வது லீக் போட்டியானது, அகமதாபாத்தில் உள்ள நரேந்திரமோடி மைதானத்தில் நடைபெற்று வருகிறது. இந்த போட்டியில் பலம் வாய்ந்த தென்னாப்பிரிக்கா அணி, ஆப்கானிஸ்தான் அணியுடன் மோதி வருகிறது. இந்த போட்டியில் ஆப்கானிஸ்தான் டாஸ் வென்று பேட்டிங்கைத் தேர்வு செய்தது.
இதன்படி, ஆப்கானிஸ்தான் அணியில் ரஹ்மானுல்லா குர்பாஸ், இப்ராஹிம் சத்ரான் இருவரும் தொடக்க ஆட்டக்காரர்களாக களமிறங்கினார்கள். ஆரம்பத்தில் வேகமாக ரன்கள் எடுக்கத் தொடங்கினாலும், தென்னாப்பிரிக்காவின் பந்துவீச்சில் வேகம் படிப்படியாகக் குறைந்தது. குர்பாஸ், மகாராஜ் வீசிய பந்தில் ஆட்டமிழந்தார்.
அவர் ஆட்டமிழந்த சில நிமிடங்களிலேயே இப்ராஹிம் சத்ரானும் விக்கெட்டை இழந்து வெளியேறினார். அவரையடுத்து ரஹ்மத் ஷா, ஹஷ்மத்துல்லா ஷாஹிதி களமிறங்கி விளையாட, ஷாஹிதி வந்த வேகத்தில் வெளியேறினார். ரஹ்மத் ஷா நிதானமாக விளையாட, அஸ்மத்துல்லா உமர்சாய் களமிறங்கி அதிரடி காட்டினார்.
ரஹ்மத் ஷா 26 ரன்களில் வெளியேற, அவரைத்தொடர்ந்துக் களமிறங்கிய இக்ராம் அலிகில், முகமது நபி, ரஷீத் கான் ஆகியோர் அடுத்தடுத்து ஆட்டமிழந்து வெளியேறினார்கள். இதற்கிடையில் அஸ்மத்துல்லா உமர்சாய் அரைசதம் அடித்து விளாசினார். பின் நூர் அகமத் களமிறங்கி 26 ரன்கள் எடுத்தார்.
தொடர்ந்து உமர்சாய் பொறுப்பாக விளையாடி 90 ரன்களைத் தாண்டினார். இறுதியில் முஜீப் உர் ரஹ்மான், நவீன் உல் ஹக் சொற்ப ரன்களில் ஆட்டமிழக்க 50 ஓவர்கள் முடித்தது. முடிவில், ஆப்கானிஸ்தான் அணி 50 ஓவர்களில் அனைத்து விக்கெட்டுகளையும் இழந்து 244 ரன்கள் எடுத்தது.
இதில் அதிகபட்சமாக அஸ்மத்துல்லா உமர்சாய் 97* ரன்களும், ரஹ்மத் ஷா 26 மற்றும் நூர் அகமத் 26 ரன்களும் எடுத்தனர். தென்னாப்பிரிக்கா அணியில் ஜெரால்ட் கோட்ஸி 4 விக்கெட்டுகளையும், லுங்கி என்கிடி மற்றும் கேசவ் மகாராஜ் இருவரும் தலா 2 விக்கெட்டுகளும் வீழ்த்தினார்கள்.
இதில் குறிப்பிடத்தக்க வகையில் டீ காக் கேட்ச்சில் 6 விக்கெட்டுகள் வீழ்ந்துள்ளன. இப்போது 245 ரன்கள் எடுத்தால் வெற்றி என்ற இலக்கில் தென்னாப்பிரிக்கா அணி களமிறங்கவுள்ளது.
சென்னை : சூர்யாவின் திரைப்பயணத்தில் இயக்குநர் பாலாவுக்கு மிகப்பெரிய பங்கு இருக்கிறது என்றே சொல்லலாம். அதற்கு முக்கியமான காரணமே சூர்யா ஆரம்ப…
டெல்லி : நாடாளுமன்ற கூட்டத்தொடரில் மத்திய அமைச்சர் அமித்ஷா பேசுகையில், அம்பேத்கர் பெயரை கூறுவது பேஷனாகிவிட்டது. அம்பேத்கர் பெயரை கூறுவதற்கு…
சென்னை : நாடாளுமன்ற குளிர்கால கூட்டத்தொடரில் நேற்று முன்தினம் மத்திய அமைச்சர் அமித்ஷா மாநிலங்களவையில் பேசுகையில், அம்பேத்கர் குறித்து பேசுவது…
சென்னை: சென்னையில் ஆபரணத் தங்கத்தின் விலை, இந்த வார தொடக்கத்தில் இருந்தே சரிந்த வண்ணம் உள்ளது. இன்று சவரனுக்கு ரூ.520…
சென்னை : நாடாளுமன்ற மாநிலங்களவையில் நேற்று முன்தினம் பேசிய மத்திய அமைச்சர் அமித்ஷா, அம்பேத்கர் பெயரை கூறுவதற்கு பதிலாக கடவுள்…
சென்னை : தென்மேற்கு வங்கக் கடலில் நிலவும் ஆழ்ந்த காற்றழுத்த தாழ்வு பகுதி, தொடர்ந்து அதே பகுதியில் நிலவுகிறது. இது அடுத்த…
