ஒரே ஓவரில் 7 சிக்ஸர்கள்! உலகசாதனை படைத்த ருதுராஜ் கெய்க்வாட்.!

விஜய் ஹசாரே 2022 கோப்பையில் ருதுராஜ் கெய்க்வாட் ஒரே ஒவரில் 7 சிக்ஸர் அடித்து உலகசாதனை படைத்துள்ளார்.

விஜய் ஹசாரே 2022 கோப்பையின் காலிறுதிப்போட்டி மகாராஷ்டிரா மற்றும் உத்தர பிரதேச அணிகளுக்கிடையில் இன்று நடைபெற்று வருகிறது. இந்த போட்டியில் மஹாராஷ்டிராவைச்சேர்ந்த ருதுராஜ் கெய்க்வாட், ஒரே ஒவரில் 7 சிக்ஸர் அடித்து 43 ரன்கள் குவித்து உலக சாதனை படைத்துள்ளார். இவர் ஐபிஎல் இல் சிஎஸ்கே அணிக்காக விளையாடி வருகிறார் என்பது குறிப்பிடத்தக்கது.

ருதுராஜ் இந்த போட்டியில் 16 சிக்ஸர் மற்றும் 10 போர்களுடன் 220* ரன்கள்(159பந்துகளில்) குவித்தார். இவரது உதவியுடன் மகாராஷ்டிரா அணி 50 ஓவர்களில் 5 விக்கெட் இழப்புக்கு 330 ரன்கள் குவித்துள்ளது. சிவா சிங் வீசிய ஆட்டத்தின் 49 வது ஓவரில் ருதுராஜ் கெய்க்வாட், நோபால் உட்பட அனைத்து பந்துகளிலும் சிக்ஸர் அடித்து 43 ரன்கள் குவித்தார்.

இதன் மூலம் முதல்தர போட்டி உட்பட, சர்வதேசப் போட்டிகளிலும் 50 ஓவர் கிரிக்கெட்டில் தனி நபர் ஒரு ஓவரில் அதிகபட்ச சிக்ஸர்கள் அடிப்பது இதுவே முதல் முறையாகும்.