ஐபிஎல் 2024 : முதலில் இறங்கிய ராயல் சேலஞ்சர்ஸ் பெங்களூரு அணி 20 ஓவரில் 3 விக்கெட்டை இழந்து 183 ரன்கள் எடுத்தனர்.
இன்றைய ஐபிஎல் போட்டியில் ராயல் சேலஞ்சர்ஸ் பெங்களூரு அணியும் , ராஜஸ்தான் ராயல்ஸ் அணியும் மோதி வருகிறது. இந்த போட்டி ஜெய்ப்பூரில் உள்ள சவாய் மான்சிங் மைதானத்தில் நடைபெற்று வருகிறது. டாஸ் வென்ற ராஜஸ்தான் பந்து வீச தேர்வு செய்தது. அதன்படி பெங்களூரு அணி முதலில் பேட்டிங் செய்தது.
தொடக்க வீரர்களாக விராட் கோலி மற்றும் ஃபாஃப் டு பிளெசிஸ் இருவரும் களமிறங்கினர். ஆட்டம் தொடங்கியது முதல் இருவரும் நிதானமாகவும், சிறப்பாகவும் விளையாடி வந்தனர். இவர்களின் கூட்டணியை பிரிக்க முடியாமல் ராஜஸ்தான் பந்து வீச்சாளர்கள் திணறி வந்தனர்.
இதற்கிடையில் இந்திய அணியின் நட்சத்திர வீரர் விராட் கோலி சிறப்பாக விளையாடி அரைசதம் நிறைவு செய்தார். மற்றொரு முனையில் இருந்த ஃபாஃப் டு பிளெசிஸ் அரைசதம் அடிப்பார் என ரசிகர்கள் எதிர்பார்த்த நிலையில் 44 ரன்கள் எடுத்தபோது ஜோஸ் பட்லரிடம் கேட்சை கொடுத்து வெளியேறினார். அடுத்து வந்த அதிரடி வீரர் கிளென் மேக்ஸ்வெல் 3 பந்திலே 1 ரன் எடுத்து போல்ட் ஆனார்.
3-வது விக்கெட்டுக்கு களமிறங்கிய சவுரவ் சவுகான் நிலைத்து நிற்காமல் வெறும் 9 ரன்னில் வெளியேறினார். இது ஒரு புறம் இருக்க தொடக்க வீரரான விராட்கோலி 67 பந்தில் சதம் விளாசினார். இதன் மூலம் விராட் கோலி ஐபிஎல் தொடரில் 8-வது முறையாக சதம் விளாசி உள்ளார்.
ஐபிஎல் தொடரில் அதிக முறை சதம் விளாசி விராட் கோலி முதலிடத்தில் உள்ளார். இவருக்கு அடுத்ததாக இரண்டாவது இடத்தில் 6 சதங்களுடன் கிறிஸ் கெய்ல் உள்ளார். விராட் கோலி 113* ரன்களுடன் கடைசிவரை களத்தில் இருந்தார். இறுதியாக ராயல் சேலஞ்சர்ஸ் பெங்களூரு அணி 20 ஓவரில் 3 விக்கெட்டை இழந்து 183ரன்கள் எடுத்தனர்.
ராஜஸ்தான் ராயல்ஸ் அணியில் யுஸ்வேந்திர சாஹல் 2 விக்கெட்டையும் , நந்த்ரே பர்கர் 1 விக்கெட்டையும் வீழ்த்தினர்.
சென்னை : பிரியங்கா மற்றும் மணிமேகலை இருவருக்கும் இடையேயான, பிரச்னை முடியும் என நினைத்தால் பிரபலங்கள் பலரும் அதனைப்பற்றிப் பேசிக்கொண்டு…
மதுரை : இந்திய குடிமக்கள் வெளிநாடு செல்வதற்கு இந்திய அரசாங்கம் வழங்கும் தேவையான ஆவணம் ஒன்று. இந்த பாஸ்போர்ட் பெற…
சென்னை : இந்தியா-வங்கதேச அணிகளுக்கு இடையே நடைபெற்று வரும் முதல் டெஸ்ட் போட்டியின் முதல் நாள் தற்போது நிறைவுப் பெற்றுள்ளது.…
சென்னை : வாழ, தங்கலான் ஆகிய படங்கள் திரையரங்குகளில் வெளியாகி வெற்றியடைந்ததை தொடர்ந்து அதில் பார்க்க தவறியவர்கள். படங்கள் எப்போது…
சென்னை : நடிகர் தனுஷ் நடிக்கும் 52வது படத்தின் அதிகாரப்பூர்வ அறிவிப்பு சமீபத்தில் வெளியானது. தனுஷ் இயக்கி நடிக்கும் இப்படத்திற்கு…
சென்னை : இன்று காலை இந்தியா-வங்கதேச அணிகளுக்கு இடையேயான முதலாவது டெஸ்ட் போட்டி நடைபெற்று வருகிறது. அதில், இன்று நடைபெற்ற…