தென் ஆப்ரிக்கா அபார வெற்றி ..!செமையாக அடிவாங்கிய ஆஸ்திரேலியா……!

தென்னாபிரிக்க அணி  ஆஸ்திரேலிய அணியுடனான 4வது டெஸ்ட் போட்டியில் 492 ரன்கள் வித்தியாசத்தில் வெற்றி பெற்று தொடரை கைப்பற்றியது. வாண்டரர்ஸ் மைதானத்தில் நடந்த இப்போட்டியில், டாசில் வென்று பேட் செய்த தென் ஆப்ரிக்கா முதல் இன்னிங்சில் 488 ரன் குவித்தது. ஆஸ்திரேலியா 221 ரன்னுக்கு ஆல் அவுட்டானது. அடுத்து 267 ரன் முன்னிலையுடன் பாலோ ஆன் தராமல் 2வது இன்னிங்சை தொடங்கிய தென் ஆப்ரிக்கா 6 விக்கெட் இழப்புக்கு 344 ரன் என்ற ஸ்கோருடன் டிக்ளேர் செய்தது.

அதிகபட்சமாக டு பிளெஸ்ஸி 120 ரன், எல்கர் 81 ரன் விளாசினர். இதைத் தொடர்ந்து, 612 ரன் எடுத்தால் வெற்றி என்ற மிகக் கடினமான இலக்குடன் 2வது இன்னிங்சை தொடங்கிய ஆஸ்திரேலிய அணி தென்னாபிரிக்க அணியின் வேகப்பந்துவீச்சை சமாளிக்க முடியாமல் 119 ரன்களுக்கு ஆட்டமிழந்தது.தென்னாபிரிக்க அணி இதன்மூலம் 492 ரன்கள் வித்தியாசத்தில் அபார வெற்றி பெற்றது. இந்த வெற்றியின் மூலம் 4 போட்டிகள் கொண்ட டெஸ்ட் தொடரை 3-1 என்ற கணக்கில் தென்னாபிரிக்கா கைப்பற்றியது.பிளாண்டார் இப்போட்டியின் ஆட்டநாயகன் விருதை  தட்டிச்சென்றார். இதேபோல் தொடர்நாயகன் விருதை வேகப்பந்து வீச்சாளர் ரபாடா வென்றார்.

மேலும் செய்திகளுக்கு தினச்சுவடுடன் இணைந்திருங்கள்.