"இப்படியும் வீசுவேன் , அப்படியும் வீசுவேன்" வலது , இடது என அசத்தும் பந்துவீச்சாளர்..!!

இங்கிலாந்துக்கு எதிரான டி20 அணியில் இலங்கையின் இரு-கை பந்துவீச்சாளர் கமிந்து மின்டீஸ் இடம்பிடித்துள்ளார்!
இலங்கையில் சுற்றுப்பயணம் மேற்கொண்டுள்ள இங்கிலாந்து அணி 5 ஒருநாள், 1 டி20 மற்றும் 3 டெஸ்ட் கொண்ட தொடரில் விளையாடி வருகிறது. தற்போது இவ்விரு அணிகளுக்கும் இடையேயான ஒருநாள் தொடர் நடைப்பெற்று வரும் நிலையில் வரும் அக்டோபர் 27-ஆம் நாள் டி20 போட்டி நடைபெறுகிறது.இப்போட்டியில் பங்கேற்கும் 15 வீரர்களின் பெயர் பட்டியலினை இலங்கை கிரிக்கெட் வாரியம் அறிவித்துள்ளது. இந்த பட்டியலில் இரு-கை பந்துவீச்சாளர் கமிந்து மின்டீஸ் இடம்பிடித்துள்ளார்.
U-19 உலக கோப்பை கிரிக்கெட் போட்டியின் போது இலங்கை அணியின் தலைமை பொறுப்பு வகித்தவர் கமிந்து மின்டீஸ். சுழற்பந்து வீச்சாளரான இவர் தனது இரு-கைகளாலும் ஒத்த திறனுடன் பந்துவீசும் திறன் கொண்டவர்.

U-19 உலக கோப்பையின் போது தனது திறமையினை உலகிற்கு வெளிப்படுத்திய மின்டீஸ் தற்போது மூத்த அணியில் இடம்பிடித்துள்ளார். விரைவில் இவர் தனது திறமையினால் இலங்கை அணியின் முக்கிய வீரராக இடம்பிடித்து வலம் வருவார் என இங்கிலாந்து அணியின் மொயின் அலி தெரிவித்துள்ளது குறிப்பிடத்தக்கது.
DINASUVADU