இந்திய கிரிக்கெட் அணியின் தலைமை பயிற்சியார் ரவி சாஸ்திரியுடன் காதலா…!உண்மையை உடைத்த பாலிவுட் நடிகை

பாலிவுட் நடிகை நிம்ரத் கவுரும்  இந்திய கிரிக்கெட் அணியின் தலைமை பயிற்சியாளரான ரவி சாஸ்திரியும் காதலித்து வருவதாக செய்திகள் உலா வந்தது. கடந்த 2 வருடங்களாக இருவரும் காதலித்து வருவதாகவும், இருவருக்கும் பிசியான கால அட்டவணைகள் இருந்தபோதிலும், இருவரும் ஒருவருக்கொருவர் சந்தித்து கொள்வதற்கு நேரத்தை செலவழித்து வருவதாகவும் செய்திகள் வெளிவந்தது.

இதற்கு விளக்கம் அளிக்கும் விதமாக நிம்ரத் கவுர் அவரது ட்விட்டர் பக்கத்தில் இது கற்பனையான செய்தி என்று கூறியுள்ளார். இதுகுறித்து அவர் கூறுகையில் , இந்த செய்தி எங்கிருந்தது வந்தது என்று தெரியவில்லை. என்னை பற்றி வந்தது எல்லாம் கற்பனையானது. அந்த கற்பனை என்னை புண்படுத்தியது என்று கூறி உள்ளார்.

தற்போது வெப் சீரியல் ஒன்றில் நிம்ரத் கவுர்  நடித்து வருகிறார். இங்கிலாந்தில் நடைபெற்று வரும் டெஸ்ட் தொடரில் கலந்து கொள்ளும் இந்திய அணியுடன் ரவி சாஸ்திரி உள்ளார் என்பது குறிப்பிடத்தக்கது.