சென்னை சூப்பர் கிங்ஸ் அணி வீரர்கள் இன்று பயிற்சி.!

தோனி உட்பட யாருக்கும் கொரோனா இல்லை என முடிவு வந்ததால் இன்று பயிற்சி தொடங்குகின்றனர்.

உலகளவில் ஐ.பி.எல் போட்டிகளுக்கு ரசிகர் பட்டாளமே உள்ளது. ஆனால், இந்தியாவில் கொரோனா தொற்று அதிகரித்து கொண்டே வரும் சூழலில், இந்தாண்டு ஐபிஎல் போட்டி ஐக்கிய அரபு அமீரகத்தில் செப்டம்பர் 19 -ம் தேதி தொடங்கும் என ஐபிஎல் தலைவர் பிரிஜேஷ் படேல் தெரிவித்துள்ளார்.

இதன் காரணமாக, பயிற்சி ஆட்டத்தை முடித்துவிட்டு 8 அணிகளை சார்ந்த வீரர்கள், ஊழியர்கள் என அனைவரும் அமீரகம் சென்றடைந்தனர். இந்நிலையில், ஐபிஎல் தொடருக்காக கடந்த 21- ம் தேதி ஐக்கிய அமீரகம் சென்றுள்ள சென்னை சூப்பர் கிங்ஸ் அணிக்கு அங்கு கொரோனா பரிசோதனை மேற்கொள்ளப்பட்டு தனிமைப்படுத்தி கொண்டனர்.

இந்நிலையில், பரிசோதனையில் தீபக் சாஹர் மற்றும் ஊழியர்கள் உட்பட 14பேருக்கு கொரோனா தொற்று உறுதி செய்யப்பட்ட நிலையில் நேற்று நான்காவது பரிசோதனை செய்யப்பட்டது. இந்த பரிசோதனையில், தோனி உட்பட யாருக்கும் கொரோனா இல்லை என முடிவு வந்ததால் சென்னை சூப்பர் கிங்ஸ் அணி வீரர்கள் இன்று பயிற்சியை மோற்கொள்கின்றனர்.