பிக்பாஷ் தொடர்: மேக்ஸ்வெல்லின் பழைய அதிரடி ஆட்டத்தில் மெல்போர்ன் அணி வெற்றி.!

• பிக்பாஷ் லீக் 20 ஓவர் கிரிக்கெட் போட்டி தொடர் ஆஸ்திரேலியாவில்நடைபெற்று வருகிறது.
• மெல்போர்ன் ஸ்டார்ஸ்  அணிக்காக மத்தியில் இறங்கிய மேக்ஸ்வெல் 39 பந்துகளில் 7 பவுண்டரி, 5 சிக்சர் என 83 ரன்கள் குவித்தார்.

பிக்பாஷ் லீக் 20 ஓவர் கிரிக்கெட் போட்டி தொடர் ஆஸ்திரேலியாவில் நடைபெற்று வருகிறது.  நேற்று குயின்ஸ்லாந்தில் நடந்த 5-வது லீக் ஆட்டத்தில் பிரிஸ்பேன் ஹீட் , மெல்போர்ன் ஸ்டார்ஸ்  அணிகள் மோதின. இதில்  டாஸ் வென்ற பிரிஸ்பேன் ஹீட் முதலில் பந்து வீசமுடிவு செய்தது.

முதலில் பேட்டிங் செய்த மெல்போர்ன் ஸ்டார்ஸ் அணி இறங்கியது. மன அழுத்த பிரச்சினை காரணமாக 5 வார ஓய்வுக்கு பிறகு களம் இறங்கிய கேப்டன் மேக்ஸ்வெல் பழைய அதிரடி ஆட்டத்தை ரசிகர்களால் பார்க்க முடிந்தது.

மத்தியில் இறங்கிய மேக்ஸ்வெல் 39 பந்துகளில் 7 பவுண்டரி, 5 சிக்சர் என 83 ரன்கள் குவித்தார். இதனால் மெல்போர்ன் ஸ்டார்ஸ் அணி 20 ஓவர் முடிவில்  7 விக்கெட் இழந்து 167 ரன்கள் எடுத்தனர். பின்னர் இறங்கிய பிரிஸ்பேன் ஹீட் அணி 20 ஓவர் முடிவில்  8 விக்கெட் இழந்து 145 ரன் மட்டுமே எடுத்தது. இதனால் மெல்போர்ன் ஸ்டார்ஸ் அணி 22 ரன்கள் வித்தியாசத்தில் வெற்றி பெற்றது.

ஐ.பி.எல். தொடரில் கிங்ஸ் லெவன் பஞ்சாப் அணி மேக்ஸ்வெல்லை  ரூ.10.75 கோடிக்கு ஏலத்தில் எடுத்தது என்பது குறிப்பிடத்தக்கது.