19 ஆவது ஆசிய விளையாட்டுப் போட்டியில் ஆடவர் ஹாக்கி பிரிவில் இந்திய ஆண்கள் ஹாக்கி அணி தங்கப்பதக்கத்தை வென்றுள்ளது. சீனாவின் ஹாங்சோவ் நகரில் தொடங்கி 13 வது நாளாக நடைபெற்று வரும், ஆசிய விளையாட்டுப் போட்டியில் சீனா, ஜப்பான், இந்தியா, உட்பட 45 நாடுகளை சேர்ந்த 12,500 வீரர் மற்றும் வீராங்கனைகள் பங்கேற்று விளையாடி வருகின்றனர்.
இதில் இந்திய அணியில் உள்ள 699 வீரர் மற்றும் வீராங்கனைகள் 39 விளையாட்டுகளில் பங்கேற்று, இந்தியாவிற்காக தங்கம், வெள்ளி மற்றும் வெண்கலம் என பல பதக்கங்களை வென்று நாட்டைப் பெருமைப்படுத்தி வருகின்றனர். அதன்படி இன்று ஆடவர்களுக்கான ஹாக்கி இறுதிப்போட்டியானது நடைபெற்றது. இதில் இந்தியா மற்றும் ஜப்பான் அணிகள் மோதியது.
இந்த போட்டியில் முதல் காலிறுதியில் இரண்டு அணிகளும் கோல் அடிக்கவில்லை. இரண்டாவது காலிறுதியில் மன்பிரீத் சிங் ஒரு கோல் அடித்து இந்திய அணியை முன்னிலைப் பெறச்செய்தார். பிறகு, மூன்றாவது காலிறுதியில் பெனால்டி கார்னர்களில் ஹர்மன்பிரீத் சிங், அமித் ரோஹிதாஸ் மற்றும் அபிஷேக் ஆகியோர் கோல் அடித்தனர்.
இதனால் இந்தியா மூன்று காலிறுதியில் முன்னிலை பெற்று, ஆசிய விளையாட்டுப் போட்டியில் ஹாக்கி பிரிவில் நடப்பு சாம்பியனான ஜப்பானைத் தோற்கடித்து தங்கப்பதக்கத்தை வென்றது. இதற்கிடையில், இந்தியா 1966, 1998 மற்றும் 2014 ஆகிய மூன்று பட்டங்களை வென்றுள்ளது. இதை தொடர்ந்து ஹாங்காங் மற்றும் சீனாவுக்கு எதிரான பிரிட்ஜ் இறுதிப் போட்டியில் இந்தியா வெள்ளிப்பதக்கம் வென்றுள்ளது.
இது ஆசிய விளையாட்டுப் போட்டியில் இந்தியா வெல்லும் 94வது பதக்கம் ஆகும். இன்னும் தொடர்ந்து பதக்கங்களை குவித்து வருவதன் மூலம் இந்தியா 100 பதக்கங்களை வெல்வது உறுதியாகியுள்ளது. தற்போது வரை 22 தங்கம், 34 வெள்ளி, 39 வெண்கலம் என 95 பதக்கங்களை வென்றுள்ள இந்திய அணி, பதக்கபட்டியலில் 4வது இடத்தில் உள்ளது.
சென்னை : தமிழக வெற்றிக் கழகத்தின் அரசியல் மாநாடு விக்கிரவாண்டியில் அக்.15ஆம் தேதி நடைபெறலாம் என்று தகவல் வெளியாகியுள்ளது. மாநாட்டிற்கான…
சென்னை : தமிழ்நாட்டில் கடந்த ஜூன் மாதம் 42 சுங்கச்சாவடியிலும், கடந்த செப்டம்பர் 1ஆம் தேதி முதல் 25 சுங்க…
ஹுலுன்பியுர்: சீனாவில் உள்ள ஹுலுன்பியுரில் இந்த ஆண்டுக்கான ஆசிய கோப்பை நடைபெற்று வருகிறது. இதில் சிறப்பாக விளையாடி வரும் இந்திய…
சென்னை : திகில் படங்களை விரும்பி பார்க்கும் பார்வையாளர்களுக்கு டிமாண்டி காலனி படம் கண்டிப்பாக பிடிக்கும் என்றே சொல்லலாம். இந்த…
சென்னை -மீன்குளத்தி பகவதி அம்மன் கோவிலில் வரலாறு மற்றும் சிறப்புகள் வழிபாட்டு முறைகளை இந்த செய்தி குறிப்பில் அறிந்து கொள்வோம்.…
சென்னை : பிரபல திரைப்பட நடனக் கலைஞராக பணிபுரியும் 21 வயது இளம்பெண் ஒருவரினால் நடன இயக்குநர் ஜானி மாஸ்டர்…