Asian Games 2023: ஈட்டி எறிதல் போட்டியில் தங்கம் வென்றார் இந்திய வீரர் நீரஜ் சோப்ரா.!

Neeraj Chopra

கடந்த செப்டம்பர் 23ம் தேதி சீனாவின் ஹாங்சோவ் நகரில் தொடங்கிய 19வது ஆசிய விளையாட்டு போட்டிகள் 11வது நாளாக நடைபெற்று வருகிறது. அக்.8ம் தேதி வரை நடைபெறவுள்ள போட்டியில் சீனா, ஜப்பான், இந்தியா, தென் கொரியா, பாகிஸ்தான் உட்பட 45 நாடுகளை சேர்ந்த 12,500 வீரர் மற்றும் வீராங்கனைகள் பங்கேற்று விளையாடி வருகின்றனர்.

ஆசிய விளையாட்டு போட்டிகளில் இந்திய அணியில் உள்ள 699 வீரர், வீராங்கனைகளை 39 விளையாட்டுகளில் பங்கேற்று, இந்தியாவிற்காக பதக்கங்களைக் குவித்து வருகின்றனர். அந்த வகையில் ஆசிய விளையாட்டில் ஈட்டி எறிதல் போட்டியில் இந்திய வீரர் நிராஜ் சோப்ரா தங்கம் வென்றுள்ளார்.

அதன்படி, நிராஜ் சோப்ரா 88.88 மீட்டர் தூரம் ஈட்டி எரிந்து முதலிடம் பிடித்து தங்கப் பதக்கத்தைத் வென்றுள்ளார். அவரைத்தொடர்ந்து, இந்தியாவின் ஜெனா கிஷோர் குமார் 87.54 மீட்டர் தூரம் வரை ஈட்டி எரிந்து இரண்டாம் இடம் பிடித்து வெள்ளிப்பதக்கத்தை வென்றுள்ளார். 82.68 மீட்டர் தூரம் வரை ஈட்டி எரிந்த ஜப்பான் வீரர் ரோட்ரிக் ஜென்கி வெண்கல பதக்கம் வென்றுள்ளார்.

இதனால் இந்தியாவின் பதக்கப் பட்டியலில் மேலும் இரண்டு பதக்கங்கள் சேர்ந்துள்ளது. இந்த பதக்கத்தை வென்றதன் மூலம் இந்தியாவின் தங்கப்பதக்கங்களின் எண்ணிக்கை 18 ஆக உயர்ந்துள்ளது. மேலும், இந்தியா 18 தங்கம், 31 வெள்ளி, 32 வெண்கலம் என மொத்தமாக 81 பதக்கங்களை வென்று பதக்கப்பட்டியலில் நான்காவது இடத்தில் உள்ளது.

இன்றைய நாளில் இந்தியா ஒரே பதிப்பில் தனது சிறந்த ஆசிய விளையாட்டு பதக்க எண்ணிக்கை சாதனையை முறியடித்துள்ளது. அதன்படி, இதற்கு முன் கடந்த 2018ம் ஆண்டு இந்தோனேசியாவில் நடைபெற்ற ஆசிய விளையாட்டுப் போட்டியில் இந்தியா 70 பதக்கங்கள் வென்றது. தற்போது, 2023 ஆசிய விளையாட்டுப் போட்டியில் 81 பதக்கங்களை வென்றுள்ளது குறிப்பிடத்தக்கது.