ஐபிஎல் தொடரின் இன்றைய RR vs CSK போட்டியில், ராஜஸ்தான் ராயல்ஸ் டாஸ் வென்று பேட்டிங் தேர்வு செய்துள்ளது.
16-வது சீசன் ஐபிஎல் தொடரில் இன்றைய போட்டியில் ராஜஸ்தான் ராயல்ஸ் மற்றும் சென்னை சூப்பர் கிங்ஸ் அணிகள் மோதுகின்றன. இந்த போட்டி ஜெய்ப்பூரில் உள்ள சவாய் மான்சிங் ஸ்டேடியத்தில் நடைபெறுகிறது. சென்னை அணி இதுவரை விளையாடியுள்ள 7 போட்டிகளில் 5 போட்டிகளில் வெற்றி பெற்றுள்ளது.
கடைசியாக விளையாடிய 3 போட்டிகளில் தொடர்ந்து வெற்றி பெற்று ஹாட்ரிக் வெற்றியை பதிவு செய்த சென்னை அணி புள்ளிப்பட்டியலில் முதல் இடத்தில் உள்ளது. அதன்படி, சென்னை அணியின் வீரர்கள் சிறந்த பார்மில் இருப்பதால் இன்றைய ஆட்டத்தில் அதிரடியாக விளையாடுவார்கள் என்று எதிர்பார்க்கப்படுகிறது.
ராஜஸ்தான் அணி, இதுவரை நடந்த 7 போட்டிகளில் 4 போட்டிகளில் வென்று புள்ளி பட்டியலில் 3-வது இடத்தில் உள்ளது. கடைசியாக விளையாடிய 2 போட்டிகளில் தோல்வியைக்கண்ட ராஜஸ்தான் அணி இன்றைய ஆட்டத்தில் வெற்றிபெற முழு முனைப்போடு போட்டியிடும் என்பதில் சந்தேகமில்லை. இந்நிலையில் டாஸ் வென்ற ராஜஸ்தான் அணி முதலில் பேட்டிங் தேர்வு செய்துள்ளது.
ராஜஸ்தான் ராயல்ஸ் அணி :
யஷஸ்வி ஜெய்ஸ்வால், ஜோஸ் பட்லர், தேவ்தத் படிக்கல், சஞ்சு சாம்சன்(w/c), ஷிம்ரோன் ஹெட்மியர், துருவ் ஜூரல், ரவிச்சந்திரன் அஷ்வின், ஜேசன் ஹோல்டர், ஆடம் ஜம்பா, சந்தீப் சர்மா, யுஸ்வேந்திர சாஹல்
சென்னை சூப்பர் கிங்ஸ் அணி:
ருதுராஜ் கெய்க்வாட், டெவோன் கான்வே, அஜிங்க்யா ரஹானே, மொயீன் அலி, ஷிவம் துபே, ரவீந்திர ஜடேஜா, எம்எஸ் தோனி(w/c), மதீஷா பத்திரனா, துஷார் தேஷ்பாண்டே, மஹீஷ் தீக்ஷனா, ஆகாஷ் சிங்
