செப்டம்பர் 12 முதல் இந்தியாவில் இருந்து ஐக்கிய அரபு அமீரகத்திற்கு திரும்பலாம் ஆனால் இது கட்டாயம் !

ஐக்கிய அரபு எமிரேட்ஸ் க்கு திரும்ப இந்தியாவிலிருந்து வர அங்கீகரிக்கப்பட்ட தடுப்பூசி மற்றும் சரியான விசா வைத்திருந்தால் செப்டம்பர் 12 முதல் அனுமதி.

ஐக்கிய அரபு எமிரேட்ஸ் க்கு பயணிக்க விரும்பும் பயணிகள் உலக சுகாதார நிறுவனத்தால் அங்கீகரிக்கப்பட்ட கொரோனாவுக்கான தடுப்பூசி செலுத்திக்கொண்டால் மற்றும் முறையான விசா வைத்திருந்தால் அவர்கள் செப்டம்பர் 12 ஆம் தேதி முதல் அனுமதிக்கப்படுவார்கள் என்று பேரிடர் மேலாண்மை ஆணையம் (NCEMA) தெரிவித்துள்ளது.

இந்த முடிவு இந்தியா, பாகிஸ்தான், வங்கதேசம், நேபாளம், இலங்கை, வியட்நாம், நமீபியா, சாம்பியா, காங்கோ ஜனநாயக குடியரசு, உகாண்டா, சியரா லியோன், லைபீரியா, தென்னாப்பிரிக்கா, நைஜீரியா மற்றும் ஆப்கானிஸ்தான் ஆகிய நாடுகளிலிருந்து வரும் பயணிகளை உள்ளடக்கியது, அல் அரபியா செய்தி  தெரிவித்துள்ளது.

பயணிகள் மீண்டும் ஐக்கிய அரபு அமீரகத்திற்குள் நுழைய கீழ்க்கண்ட சில நடைமுறைகளைப் பின்பற்ற வேண்டும்: –

• அடையாள மற்றும் குடியுரிமைக்கான மத்திய ஆணையத்தின் இணையதளம் (ஐசிஏ) மூலம் விண்ணப்பிக்கவும் மற்றும் தேவையான ஒப்புதலைப் பெற தடுப்பூசி விண்ணப்பத்தை பூர்த்தி செய்யவும்.
• அவர்கள் ஐக்கிய அரபு அமீரகத்திற்கு புறப்படுவதற்கு முன் அங்கீகரிக்கப்பட்ட தடுப்பூசி சான்றிதழை வழங்க வேண்டும்.
• QR குறியீடு கொண்ட அங்கீகரிக்கப்பட்ட ஆய்வகத்தில் அவர்கள் புறப்படுவதற்கு 48 மணி நேரத்திற்கு முன் எடுக்கப்பட்ட எதிர்மறை PCR சோதனை முடிவை வழங்க வேண்டும்.
• அனைத்து முன்னெச்சரிக்கை நடவடிக்கைகளையும் கடைபிடிக்கும்போது, ​​ஏறுவதற்கு முன் விரைவான பிசிஆர் சோதனை மற்றும் வருகையின் நான்காவது மற்றும் எட்டு நாளில் மற்றொரு பிசிஆர் சோதனை  எடுப்பது கட்டாயம்.
• இந்த நடைமுறைகளிலிருந்து 16 வயதுக்குட்பட்ட குழந்தைகளுக்கு விலக்கு அளிக்கப்படுவதாக என்சிஇஎம்ஏ தெரிவித்துள்ளது.

மேற்கூறிய நாடுகளிலிருந்து வரும் தடுப்பூசி போடப்படாத மக்களுக்கு முன்னர் அறிவிக்கப்பட்ட மற்ற அனைத்து முன்னெச்சரிக்கை நடவடிக்கைகளும் நடைமுறையில் உள்ளன.