தீ விபத்தில் விலைமதிப்பற்ற உயிர்கள் பலியானது வேதனை அளிக்கிறது – ஆளுநர் ஆர்.என்.ரவி இரங்கல்..!

உத்திரப்பிரதேசம் மாநிலம் லக்னோவில் இருந்து தென்னிந்தியாவில் சாமி தரிசனம் செய்வதற்காக 60-க்கும் மேற்பட்டோர் ஒரு பெட்டியில் பயணித்துள்ளனர். இவர்கள் கடந்த 17-ஆம் தேதி யாத்திரையாக தமிழகம் வந்துள்ளனர். நேற்று நாகர்கோவிலை பத்மநாதர் கோவிலில் சாமி தரிசனம் மேற்கொண்டு மதுரையை வந்தடைந்துள்ளார்.

இந்த நிலையில், இந்த ரயில் பெட்டியானது மீண்டும் சுற்றுலா செல்வதற்காக வேறொரு ரயிலில் இணைக்கப்படுவதற்காக மதுரை ரயில் நிலையத்தில் இருந்து 1 கி.மீ தூரத்தில் நிறுத்தப்பட்டுள்ளது. இதனை தொடர்ந்து இவர்கள் ராமேஸ்வரம் செல்லவிருந்ததாக கூறப்படுகிறது.

மதுரையில் நிறுத்தி வைக்கப்பட்டிருந்த சுற்றுலா விரைவு ரயிலில் தேநீர் தயார் செய்வதற்காக சிலிண்டர் பயன்படுத்தப்பட்டுள்ளது. அப்போது திடீரென்று தீ விபத்து ஏற்பட்டுள்ளது. இந்த விபத்தில், இதுவரை 5 ஆண்கள் 3 பெண்கள் அடையாளம் தெரியாத ஒருவர் என 9 பேர் உயிரிழந்துள்ளனர். 6 காயமடைந்து மருத்துவமனையில் அனுமதிக்கப்பட்டுள்ளனர்.

இந்த நிலையில், இந்த விபத்துக்கு தமிழக ஆளுநர் ஆர்.என்.ரவி இரங்கல் தெரிவித்துள்ளார். அந்த பதிவில், மதுரை அருகே ரயில் பெட்டியில் ஏற்பட்ட தீ விபத்தில் விலைமதிப்பற்ற உயிர்கள் பலியானது வேதனை அளிக்கிறது. எனது எண்ணங்களும் பிரார்த்தனைகளும் இறந்தவரின் குடும்ப உறுப்பினர்களுடன் உள்ளன. காயமடைந்தவர்களின் பாதுகாப்பு மற்றும் விரைவில் குணமடைய வாழ்த்துக்கள் என தெரிவித்துள்ளார்.

Anguished by the loss of precious lives in a fire incident in a train coach near #Madurai. My thoughts and prayers are with the bereaved family members of the deceased. Wish for the safety and speedy recovery of injured.

— RAJ BHAVAN, TAMIL NADU (@rajbhavan_tn) August 26, 2023