ஆஸ்திரேலியாவில் கண்டறியப்பட்ட ‘எக்ஸ்பாக்ஸ் சிலந்தி’..! வைரலாகும் புகைப்படம் ..!

ஆஸ்திரேலியாவில் கண்டுபிடிக்கப்பட்ட “எக்ஸ்பாக்ஸ் சிலந்தி” யின் புகைப்படமானது இணையத்தில் வைரலாகி வருகிறது.

பிரபல  கேமிங் கன்சோல் நிறுவனமான எக்ஸ்பாக்ஸ்-ன்  (X BOX) லோகோவை கொண்டுள்ள சிலந்தியின் படமானது இணையத்தில் பரவி வருகிறது. ஆஸ்திரேலியாவில் ஜிலாங் பகுதியில் கண்டுபிடிக்கப்பட்ட இந்த சிலந்தியானது எக்ஸ்பாக்ஸ் சிலந்தி என பெயரிடப்பட்ட பச்சை அராக்னிட் வகையை சேர்ந்த சிலந்தியாகும்.

இந்த பச்சை நிற சிலந்தியின் முதுகில் ஒரு தெளிவான சிலுவை அடையாளமானது உள்ளது. இதன் மூலம் அந்த சிலந்தியானது எக்ஸ்பாக்ஸ் நிறுவனத்தின் லோகோ போன்று தோற்றமளிக்கிறது. சிலந்தியை படமெடுத்த கிம் ப்ரூட்லோவ் என்பவர் இந்த சிலந்தியானது 1 செமீ நீளம் கொண்டது என தெரிவித்துள்ளார். தற்பொழுது அவர் வெளியிட்டுள்ள இந்த சிலந்தியின் புகைப்படமானது இணையத்தில் வைரலாகி வருகிறது.