உக்ரைன் போர்: இரு இந்தியர்கள் உயிரிழப்பு.. ரஷ்யாவிடம் இந்தியா கோரிக்கை.!

Russian Army killed [file image]

புதுடெல்லி :  உக்ரைனுடனான மோதலின் போது, ரஷ்ய இராணுவத்தால் ஆட்சேர்ப்பு செய்யப்பட்ட மேலும் இரண்டு இந்தியர்கள் கொல்லப்பட்டதாக வெளியுறவு அமைச்சகம் தகவல் தெரிவித்துள்ளது.

இத்துடன் அங்கு இந்தியர்கள் உயிரிழப்பு 4ஆக உயர்ந்துள்ளது. முன்னதாக, ரஷ்யா – உக்ரைன் இடையே நடந்த மோதலில் இரண்டு இந்தியர்கள் கொல்லப்பட்டுள்ளனர். ஹைதராபாத்தை சேர்ந்த முகமது அஸ்ஃபான் என்ற 30 வயது நபர் மார்ச் மாதம் கொல்லப்பட்டதாக கூறப்படுகிறது. மேலும், குஜராத்தின் சூரத்தைச் சேர்ந்த ஹெமில் அஷ்வின்பாய் மங்குகியா என்ற 23 வயது இளைஞர் டொனெட்ஸ்கில் ட்ரோன் தாக்குதலில் கொல்லப்பட்டார்.

இந்நிலையில், ரஷ்யாவில் வேலை வாய்ப்புகளைத் தேடும் போது, இந்திய குடிமகன்கள்  எச்சரிக்கையுடன் செயல்பட வேண்டும் என்றும், ரஷ்ய ராணுவத்தில் இந்தியர்கள் ஆட்சேர்ப்பு செய்வதை  நிறுத்த வேண்டும் என்றும் இந்திய தூதரகம் கோரிக்கை விடுத்துள்ளது.