90’s களின் பேவரைட் கார்ட்டூன் நெட்ஒர்க் மூடப்படுகிறதா.? அதிர்ச்சியில் ரசிகர்கள்.!

கார்ட்டூன் நெட்ஒர்க் விரைவில் மூடப்படும் என கூறப்படுவதால், பல நெட்டிசன்கள் RIP கார்ட்டூன் நெட்ஒர்க் என தங்களது பழைய குழந்தை பருவ நினைவுகளை பகிர்ந்து வருகின்றனர். 

90களில் பிறந்து வளர்ந்த 90’s கிட்ஸ்கள் இந்த சேனலை கடக்காமல் தங்களது வாழ்வை கடந்திருக்க முடியாது என்றே சொல்லலாம். அந்தளவுக்கு 90’s சிறுவயதில் தாக்கத்தை ஏற்படுத்திய கார்ட்டூன் நெட்ஒர்க் தனது இறுதி அத்தியாத்தை எழுதி வருகிறது.

அக்டோபர் 1, 1992ஆம் அன்று தொடங்கப்பட்ட இந்த கார்ட்டூன் நெட்ஒர்க் தற்போது வார்னர் பிரதர்ஸ் அனிமேஷன் நிறுவனத்துடன் இணைந்துள்ளதாக தகவல் வெளியாகியுள்ளது.

இதன் காரணமாக இந்த கார்ட்டூன் நெட்ஒர்க் விரைவில் மூடப்படும் என கூறப்படுகிறது. அதனால், பல நெட்டிசன்கள் RIP கார்ட்டூன் நெட்ஒர்க் என தங்களது பழைய குழந்தை பருவ நினைவுகளை பகிர்ந்து இணையத்தில் பதிவிட்டு வருகின்றன.

 ஆனால், சேனல் மூடப்படுவதை வார்னர் பிரதர்ஸ் நிறுவனம் மறுத்துள்ளது. மாறாக, இரு கம்பெனியும் ஒரே நிறுவனத்தின் கீழ் இருந்தாலும், தனி தனியாக தான் இயங்கும் எனவும் தகவல் தெரிவித்துள்ளது.