35 ஆண்டுகளில் முதல் முறையாக திறக்கப்பட்ட நுழைவாயில்..! வைரலாகும் புகைப்படங்கள்..!

பேரிடர் கால உதவிக்காக துருக்கி-ஆர்மீனியா நுழைவாயில் 35 ஆண்டுகளுக்கு பிறகு முதல் முறையாக திறக்கப்பட்டது.

துருக்கியில் ஏற்பட்ட நிலநடுக்கத்தால் பாதிக்கப்பட்டவர்களுக்கு உதவுவதற்காக 35 ஆண்டுகளுக்கு பிறகு முதல் முறையாக துருக்கிக்கும் ஆர்மீனியாவுக்கும் இடையிலான எல்லைக் கதவு திறக்கப்பட்டுள்ளது. ஆர்மீனியாவுக்கான துருக்கியின் சிறப்புத் தூதர் செர்டார் கிலிக், இரு நாடுகளையும் பிரிக்கும் அராஸ் ஆற்றின் துருக்கியப் பகுதியில் உள்ள அலிகன் சோதனைச் சாவடி வழியாக லாரிகள் செல்லும் புகைப்படங்களை இணையத்தில் பதிவிட்டுள்ளார்.

துருக்கியில் நிலநடுக்கத்தால் பாதிக்கப்பட்ட பகுதியில் உள்ள எங்கள் மக்களின் துன்பங்களைப் போக்க ஆர்மீனியா மக்கள் அனுப்பிய தாராளமான உதவியை நான் எப்போதும் நினைவில் கொள்கிறேன்” என்று ஆர்மேனிய அதிகாரிகளுக்கு கிலிக் நன்றி தெரிவித்தார்.

1988 ஆம் ஆண்டில் பூகம்பத்தால் பாதிக்கப்பட்ட ஆர்மீனியாவிற்கு துருக்கிய செஞ்சிலுவைச் சங்கத்திலிருந்து உதவிகளை அனுப்ப கடைசியாக இந்த நுழைவாயில் பயன்படுத்தப்பட்டது. கடந்த ஆண்டு, துருக்கிய மற்றும் ஆர்மேனிய தலைவர்கள் பல காலமாக இருந்த பகைமையை சரிசெய்யும் முயற்சியில், அவர்களது வெளியுறவு மந்திரிகளின் சந்திப்பைத் தொடர்ந்து ஒரு ஐரோப்பிய உச்சிமாநாட்டில் முறைசாரா முறையில் சந்தித்தது குறிப்பிடத்தக்கது.