பேரதிர்ச்சி…கிழக்கு காங்கோவில் பயங்கர நிலச்சரிவு..! 20 பேர் பலி..!

காங்கோ நாட்டில் ஏற்பட்ட நிலச்சரிவில் சிக்கி 20 பேர் உயிரிழந்தனர்.

காங்கோ நாட்டின் மசிசி என்ற பகுதியில் நிலச்சரிவு ஏற்பட்டதால் அப்பகுதியில் வசிக்கும் மக்கள் அனைவரும் அதிர்ச்சியடைந்தனர். இந்த பயங்கரமான நிலச்சரிவில் சிக்கி 20 பேர் உயிரிழந்தனர். மலையின் அடிவாரத்தில் உள்ள நீரோடையில் 25 பெண்கள் தங்கள் குழந்தைகளுடன் துணி துவைத்துக் கொண்டிருந்த போது நிலச்சரிவு ஏற்பட்டது.

இந்த விபத்தில் இதுவரை 20 பேரின் உடல்கள் மீட்கப்பட்டுள்ளன. மீதமுள்ளவர்களை தேடும் பணி நடைபெற்று வருகிறது. ஒருவர் மட்டும் படுகாயங்களுடன் மருத்துவமனையில் சிகிச்சைக்காக அனுமதிக்கப்பட்டுள்ளார். அங்கு அவருக்கு சிகிச்சை அளிக்கப்பட்டு வருகிறது.

மேலும், காங்கோ  நாட்டில் நிலச்சரிவு ஏற்படுவது முதன் முறை இல்லை. இதைப்போல கடந்த 2022-ஆம் ஆண்டு காங்கோவில் ஏற்பட்ட நிலச்சரிவில் 100 பேர் உயிரிழந்தார்கள் என்பது குறிப்பிடத்தக்கது.