பெரும் பதற்றம்..இஸ்ரேலை தாக்கிய 5,000 ராக்கெட்டுகள்.! போர் நிலை அறிவிப்பு.!

தென்மேற்கு பாலஸ்தீன பகுதியான காசாவில் இருந்து 5,000 பாலஸ்தீன ராக்கெட்டுகள் மூலம், மத்திய கிழக்கில் உள்ள நாடான இஸ்ரேல் மீது தொடர் தாக்குதல் நடத்தப்பட்டதைத் தொடர்ந்து அங்கு போர் நிலை அறிவிக்கப்பட்டுள்ளது. கடந்த 2007 ஆம் ஆண்டு இஸ்லாமிய இயக்கமான ஹமாஸ் ஆட்சியை கைப்பற்றிய பின்னர் காசா மீது இஸ்ரேல் முற்றுகையைத் தொடங்கியது.
அதன்படி, காசா பகுதி தங்களுடையது எனக் கூறி இஸ்ரேல் மற்றும் பாலஸ்தீனம் இடையே பல ஆண்டுகளாக பிரச்சனைகள் நடந்து வருகிறது. இதுவரை நான்கு முறை போர் நடந்ததாக கூறப்படும் நிலையில், காசா பகுதி வழியாக பாலஸ்தீன தீவிரவாதிகள் இஸ்ரேலுக்குள் ஊடுருவியுள்ளதாக இஸ்ரேல் ராணுவம் தெரிவித்துள்ளது.
இதன்பிறகு முற்றுகையிடப்பட்ட காசாவின் பல இடங்களில் இருந்து சுமார் 5,000 ராக்கெட்டுகள் சரமாரியாக ஏவப்பட்டதாகவும், இதில் ஒருவர் உயிரிழந்ததாகவும் இஸ்ரேல் பாதுகாப்புப் படைகள் தெரிவித்துள்ளன. காசாவில் இருந்து ராக்கெட்டுகள் ஏவப்பட்டதை அடுத்து இஸ்ரேல் போர் நிலையை அறிவித்துள்ளது. இதனால் மக்களை வீட்டுக்குள்ளேயே இருக்குமாறும் இஸ்ரேல் வலியுறுத்தியுள்ளது.
இதற்கிடையில், கடந்த மே மாதம், இஸ்ரேலிய விமானத் தாக்குதல்கள் மற்றும் காசா ராக்கெட் தாக்குதலில் 34 பாலஸ்தீனியர்கள் மற்றும் ஒரு இஸ்ரேலியர் கொல்லப்பட்டுள்ளனர். இந்த ஆண்டு இதுவரை குறைந்தது 247 பாலஸ்தீனியர்கள், 32 இஸ்ரேலியர்கள் கொல்லப்பட்டுள்ளனர். இதில் போராளிகள் மற்றும் பொதுமக்கள் உட்பட இஸ்ரேலிய மற்றும் பாலஸ்தீனிய அதிகாரிகளும் அடங்குவர்.
லேட்டஸ்ட் செய்திகள்
KKR vs SRH : ஹைதராபாத்தின் மிரட்டல் பந்துவீச்சு! இறுதியில் பொளந்து கட்டிய கொல்கத்தா! டார்கெட் 201!
April 3, 2025
அமெரிக்க வரி விவகாரம் : “மத்திய அரசு என்ன செய்யப் போகிறது?” ராகுல் காந்தி சரமாரி கேள்வி!
April 3, 2025
“பாஜகவால் அதிகம் பாதிக்கப்பட்டது நானும், கேரள முதலமைச்சரும் தான்.!” மு.க.ஸ்டாலின் பேச்சு!
April 3, 2025