இராணுவ ஹெலிகாப்டர் விபத்து..! நான்கு ஆஸ்திரேலிய வீரர்கள் மாயம்..!

ஆஸ்திரேலிய இராணுவ ஹெலிகாப்டர் கடலில் விழுந்து விபத்து ஏற்பட்டுள்ளது.

அமெரிக்காவுடனான ஒரு பெரிய கூட்டு இராணுவப் பயிற்சியின் போது, ஹாமில்டன் தீவுக்கு அருகிலுள்ள குயின்ஸ்லாந்து கடற்கரையில், ஆஸ்திரேலிய இராணுவ ஹெலிகாப்டர் கடலில் விழுந்து விபத்து ஏற்பட்டுள்ளது. இந்த விபத்தில் ஹெலிகாப்டரில் இருந்த 4 வீரர்களை காணவில்லை என ஆஸ்திரேலிய பிராட்காஸ்டிங் கார்ப்பரேஷன் தெரிவித்துள்ளது.

ஆஸ்திரேலிய பாதுகாப்பு அமைச்சர் ரிச்சர்ட் மார்லஸ் கூறுகையில், தைபான் என்றும் அழைக்கப்படும் எம்ஆர்எச் (MRH90) ஹெலிகாப்டர் பயிற்சி நடவடிக்கையில் ஈடுபட போது, நான்கு வீரர்களுடன் இரவு 10:30 மணியளவில் விபத்துக்குள்ளானது என்று கூறியுள்ளார்.

இதன்பிறகு இரண்டாவது ஹெலிகாப்டர் உடனடியாக தேடுதல் மற்றும் மீட்புப் பணியைத் தொடங்கியதாகவும்,  தற்போது தேடுதல் பணி நடந்து வருவதாகவும் ரிச்சர்ட் மார்லஸ் கூறினார்.