எதிர்ப்புகளுக்கு மத்தியில் பிரான்சில் ஓய்வு பெறும் வயது 64-ஆக உயர்வு!

போராட்டங்களுக்கு மத்தியில் மேக்ரானின் புதிய ஓய்வூதிய சீர்திருத்தத்திற்கு பிரான்சின் அரசியலமைப்பு கவுன்சில் ஒப்புதல்.

பிரான்ஸ் நாட்டின் நாடாளுமன்றத்தில் வாக்கெடுப்பு இல்லாமல் அரசு பணியிலிருந்து ஓய்வு பெறும் வயதை 62 லிருந்து 64 ஆக உயர்த்துவதற்கு அந்நாட்டு அரசாங்கம் முடிவெடுத்ததை தொடர்ந்து, அந்நாட்டு மக்கள் இதற்கு கடுமையான எதிர்ப்பு தெரிவித்து போராட்டங்களை நடத்தி வருகின்றனர். நாடு முழுவதும் நடைபெற்று வரும் இப்போராட்டத்தில் லட்சக்கணக்கான மக்கள் வீதியில் இறங்கி போராடி வருகின்றனர்.

இந்த நிலையில், அரசு ஊழியர்களின் ஓய்வு வயதை 62 லிருந்து 64 ஆக உயர்த்தி சட்டமாக்கினார் பிரான்ஸ் அதிபர் இமானுவேல் மேக்ரான். மக்கள் போராட்டம் நடத்தி வரும் நிலையில், ஓய்வு பெறும் வயதை உயர்த்தி அரசிதழில் வெளியிட்டது பிரான்ஸ் அரசு. பல்வேறு எதிர்ப்புகளுக்குப் பிறகு ஓய்வு வயதை 62 இலிருந்து 64 ஆக உயர்த்துவதற்கான திட்டத்திற்கு பிரான்சின் அரசியலமைப்பு கவுன்சில் ஒப்புதல் அளித்தது.