மாணவர்களை அதிக நேரம் வேலை செய்ய தூண்டும் பிரிட்டன்..! வெளியாகிய தகவல்..!

வெளிநாட்டு மாணவர்களை அதிகநேரம் வேலை செய்ய அனுமதிக்க பிரிட்டன் திட்டமிட்டுள்ளது.

பிரிட்டன் நாட்டின் பொருளாதாரத்தை உயர்த்துவதற்காக வெளிநாட்டு மாணவர்களை அதிக நேரம் வேலை செய்ய வைக்க திட்டமிட்டுள்ளது. காலி பணியிடங்களை முழுமை செய்வதன் மூலம் நாட்டின் பொருளாதாரத்தை உயர்த்த மாணவர்கள் அதிக நேரம் வேலை செய்ய அனுமதிக்கும் திட்டங்களை பிரிட்டிஷ் அரசாங்கம் செயல்படுத்த உள்ளதாக தகவல்கள் உள்ளன.

சில்லறை வணிகம் போன்ற துறைகளில் உள்ள பற்றாக்குறையைச் சமாளிக்க பிரிட்டிஷ் மற்றும் வெளிநாட்டு மாணவர்களை அதிக பகுதி நேர வேலைகளில் ஈடுபட ஊக்குவிக்கும் வழிகளை அமைச்சர்கள் கவனித்து வருகின்றனர். அவர்களின் வேலை நேரம் பற்றிய விவாதங்கள் அரசாங்கத்திற்குள் தொடங்கியுள்ளன. வெளிநாட்டு மாணவர்களின் வேலை நேரத்தை வாரத்திற்கு 30 மணி நேரமாக மாற்ற திட்டமிடப்பட்டு வருகிறது. தற்போது அவர்களின் வேலை நேரம் வாரத்திற்கு 20 மணி நேரமாக உள்ளது.

மாணவர்களை அதிக நேரம் வேலை செய்ய வைக்கும் இந்த யோசனை ஆரம்ப கட்டத்தில் உள்ளது மற்றும் அரசாங்கம் முழுவதுமாக இந்த திட்டத்தை ஒப்புக் கொள்ளவில்லை. நாட்டில் சட்டவிரோத இடம்பெயர்வுகளை குறைக்க பிரிட்டனின் உள்துறை செயலாளர் சுயெல்லா பிரேவர்மனின் முன்மொழிவுகளுக்கு மத்தியில் இந்த திட்டங்கள் வந்ததாக தகவல்கள் தெரிவிக்கின்றன.