ஆப்கானிஸ்தானில் வெளியுறவு அமைச்சகம், அருகே குண்டுவெடிப்பு.!

ஆப்கானிஸ்தானின் காபூல் வெளியுறவு அமைச்சக அலுவலகம் அருகே, பயங்கர குண்டுவெடிப்பு, பலர் இறந்திருக்கலாம் என்று தகவல்.

ஆப்கானிஸ்தானின் காபூலில் உள்ள வெளியுறவு அமைச்சகத்தின் அலுவலகம் அருகே இன்று குண்டுவெடிப்பு நிகழ்ந்துள்ளது. மேலும் இந்த குண்டுவெடிப்பில் பலர் இறந்திருக்கக்கூடும் என்று கூறப்படுகிறது. அலுவலகத்தின் வெளியே வெடிச்சத்தம் மற்றும் துப்பாக்கிச் சூடு சத்தம் கேட்டதாக தகவல்கள் தெரிவிக்கின்றன.

மேலும் அலுவலகத்தின் உள்ளே சீன அதிகாரிகளுடன் சந்திப்பு நடந்து கொண்டிருக்கும்போது இந்த குண்டு வெடிப்பு சம்பவம் நடந்துள்ளதாகக் கூறப்படுகிறது. இதனையடுத்து ஆம்புலன்ஸ்கள் சம்பவ இடத்திற்கு விரைந்தன, மற்றும் உயிரிழப்புகள் பற்றி இன்னும் முழுமையான தகவல்கள் எதுவும் வெளிவரவில்லை.