7,000 பேர் பணிநீக்கம்; டிஸ்னி நிறுவனம் முடிவு.!

டிஸ்னி நிறுவனம் 5.5 பில்லியன் டாலர் செலவு குறைக்கும் செயலாக 7,000 பேரை பணியிலிருந்து நீக்குகிறது.

உலகின் பல முன்னணி நிறுவனங்கள் நிறுவனத்தின் செலவு குறைக்கும் நடவடிக்கையாக தங்களது ஊழியர்களில் பெரும்பாலானோரை பணியிலிருந்து நீக்கிவருகிறது. இதற்கு டிஸ்னி நிறுவனமும் விதிவிலக்கல்ல என்பது போல, அந்நிறுவனமும் தங்களது 3% பணியாளர்கள் அதாவது 7,000 பேரை பணி நீக்கம் செய்கிறது.

நிறுவனத்தின் செலவை குறைக்கும் முயற்சியில் அதாவது 5.5 பில்லியன் டாலர் அளவில் சேமிப்புகளை அடைய டிஸ்னியின் முயற்சிகளின் ஒரு பகுதியாகும் என்று தலைமை நிர்வாக அதிகாரி பாப் இகர் தெரிவித்தார். டிஸ்னி அதன் செலவினங்களில் ஆண்டுதோறும் 3 பில்லியன் டாலர் குறைப்பதை இலக்காகக் கொண்டுள்ளது, இது அடுத்த பல ஆண்டுகளில் நிறைவேற்றப்படும் என்று டிஸ்னியின் தலைமை நிதி அதிகாரி மெக்கர்த்தி கூறியுள்ளார்.

இந்த பணிநீக்க முடிவு மிகவும் கடினமானது, உலகெங்கிலும் உள்ள எங்கள் ஊழியர்களின் அர்ப்பணிப்புக்காக நாங்கள் மிகுந்த மரியாதையும் பாராட்டும்தெரிவித்துக்கொள்கிறோம் என்று இகர் கூறினார்.