மெக்சிகோ விமான நிலையத்தில், பார்சலில் இருந்த 4 மண்டை ஓடுகள்.!

மெக்சிகோ விமான நிலையத்தில், அமெரிக்காவுக்கு அனுப்பப்பட இருந்த பார்சலில் 4 மண்டை ஓடுகள் கண்டுபிடிக்கப்பட்டுள்ளன.

மெக்சிகோ விமான நிலையத்தில் ஒரு பார்சலில் 4 மண்டைஓடுகள் இருந்தது கண்டுபிடிக்கப்பட்டுள்ளது. அமெரிக்காவிற்கு கூரியர் மூலம் அனுப்பப்படவிருந்த பார்சலில் 4 மண்டை ஓடுகள் இருந்தது எக்ஸ்ரே படங்களின் மூலம் கண்டுபிடிக்கப்பட்டுள்ளன.

மெக்சிகோவின் மிக வன்முறைப் பகுதிகளில் ஒன்றான மைக்கோவாகனிலிருந்து இந்த பார்சல், அமெரிக்காவின் தென் கரோலினாவில் உள்ள முகவரிக்கு அனுப்புவதற்காக வந்துள்ளதாக அதிகாரிகள் தெரிவித்தனர்.

மத்திய மெக்சிகோவில் உள்ள க்வேர்ட்டரோ இன்டர்காண்டினென்டல் விமான நிலையத்தில் இந்த மண்டை ஓடுகள், அட்டைப் பெட்டிக்குள் அலுமினியத் தாளில் சுற்றப்பட்ட நிலையில் கண்டுபிடிக்கப்பட்டதாக தேசிய காவலர் அதிகாரிகள் தெரிவித்தனர்.

மனித உடல்களின் பாகங்களை கொண்டு செல்வதற்கு அதற்குரிய சிறப்பு வாய்ந்த சுகாதார அதிகாரியிடமிருந்து பெறப்படும் சிறப்பு அனுமதி எதுவும் இல்லாமல் இந்த பார்சல் வந்ததாக அவர்கள் மேலும் கூறினர்.