பாழுங் கிணற்றில் விழுந்த 3 வயது சிறுவன்!திடுக்கிடும் தகவல்!

சீனாவின் கிழக்கு பகுதியில் உள்ள ஹேஸ் நகரில் விளையாடி கொண்டிருந்த சிறுவன் நேற்று இரவு அங்குள்ள பாழுங்கிணற்றில் தவறி விழுந்துள்ளான்.இதனை பார்த்த பெற்றோர் அச்சத்தில் சத்தம்போட்டுள்ளனர்.

அவர்களின் அலறல் சத்தம் கேட்டு அக்கம்பக்கத்தினர் ஓடிவந்து பார்த்துள்ளனர்.பின்னர் சிறுவன் விழுந்த கிணறு 4 மீட்டர் ஆழத்தில் குறுகலாக இருந்ததால் அக்கம்பக்கத்தினரால் சிறுவனை மீட்க முடியவில்லை.

பின்னர் தீயணைப்பு துறைக்கு தகவல் அளித்துள்ளனர்.தகவலின் படி விரைந்து வந்த தீயணைப்புதுறையினர் அரை மயக்கத்துடன் இருந்த சிறுவனுக்கு உடனடியாக ஆக்சிஜன் சப்ளை அளித்துள்ளனர்.

பின்னர் சிறுவனின் கையை கட்டி மேலே இழுக்க முயற்சி செய்துள்ளனர் .ஆனால் கிணற்றின் உள்பகுதி மிகவும் குறுகலாக இருந்ததால் சிறுவனை மீட்பதில் சிரமம் ஏற்பட்டுள்ளது.

இதனை தொடர்ந்து தீயணைப்பு துறையினர் சிறுவன் இருந்த கிணற்றுக்கு அருகில் புதிதாக குழி ஒன்றை தோண்டி அங்கிருந்து சுரங்கப்பாதை அமைத்து பலமணி நேரம் போராட்டத்திற்கு பிறகு சிறுவனை பத்திரமாக மீட்டு மருத்துவமனைக்கு அனுப்பி வைத்துள்ளனர்.