ஒரே மாதத்தில் இரண்டு காதல் திருமணம் செய்த இளைஞர் கைது!

கள்ளக்குறிச்சியில் ஒரே மாதத்தில் இரண்டு காதல் திருமணம் செய்த இளைஞரை போலீசார் கைது செய்துள்ளனர்.

கள்ளக்குறிச்சி மாவட்டத்தில் உள்ள பெருவாங்கூர் எனும் கிராமத்தில் 22 வயதுடைய பூவரசன் தனது குடும்பத்துடன் வாழ்ந்து வரும் நிலையில் இவர் தனது வீட்டின் அருகே உள்ள நர்மதா என்னும் பெண்ணை சில மாதங்களாக காதலித்து, நெருங்கி பழகியதால் நர்மதா கர்ப்பமாகியுள்ளார். எனவே, தன்னை திருமணம் செய்து கொள்ளும்படி பூவரசனை வற்புறுத்தியுள்ளார். இதன் விளைவாக பூவரசன் தலைமறைவாகியுள்ள நிலையில் இது குறித்து காவல்துறையில் நர்மதா  அளித்த புகாரின் அடிப்படையில் போலீசார் அதனை கண்டறிந்து இருவருக்கும் திருமணம் செய்து வைத்து வீட்டுக்கு அனுப்பி வைத்துள்ளனர்.

திருமணமாகி சில நாட்களிலேயே பூவரசன்  செல்போனுக்கு தீபிகா எனும் கல்லூரி மாணவி ஒருவர் காதலி என கூறி அழைத்துள்ளார். அப்போது தான் பூவரசன் தன்னையும் காதலித்து, தீபிகா எனும் பெண்ணையும் காதலிக்கிறார் என்பதுதெரியவந்துள்ளது. இந்நிலையில் இது தொடர்பாக நர்மதா பூவரசனிடம் விசாரிப்பதற்குள் பூவரசன் தீபிகாவை திருமணம் செய்துள்ளார். இதன் அடிப்படையில் காவல் துறையில் புகார் அளிக்கப்பட்டதை அடுத்து காவல்துறையினர் தீபிகாவுக்கு அறிவுரை கூறி பெற்றோருடன் அனுப்பி வைத்துள்ளனர். இரண்டு பெண்களையும் ஒரே மாதத்தில் ஏமாற்றி திருமணம் செய்து கொண்ட பூவரசனை கைது செய்து சிறையில் அடைத்துள்ளனர்.