ஊரடங்கு தொடருமா ? அவர்கள் தான் முடிவு செய்வார்கள்- அமைச்சர் ராஜேந்திர பாலாஜி தகவல்

ஊரடங்கு தொடருமா என்பதை, பிரதமர் மோடியும் , முதலமைச்சர் பழனிசாமியும் தான் முடிவு செய்வார்கள் என்று அமைச்சர் ராஜேந்திரபாலாஜி  தெரிவித்துள்ளார்.

 கொரோனா வைரஸின் தாக்கம் அதிகம் இருந்த நிலையில் ஏப்ரல் 14-ஆம் தேதி வரை இருந்த ஊரடங்கு உத்தரவு இருந்த நிலையில் இதன் பின் மே 3-ஆம் தேதி வரை நீட்டிக்கப்பட்டது.

இதற்கு இடையில் நாளை பிரதமர்  மோடி அனைத்து  மாநில முதலமைச்சர்களுடன் ஆலோசனை மேற்கொள்ள உள்ளார்.இந்த ஆலோசனையில் ஊரடங்கை நீட்டிக்க வேண்டுமா? இல்லையா? என்பது குறித்து ஆலோசனை மேற்கொள்ள உள்ளதாக தெரிவிக்கப்பட்டுள்ளது.இந்நிலையில் சிவகாசியில் அமைச்சர் ராஜேந்திர பாலாஜி நிகழ்ச்சி ஒன்றில் பங்கேற்றார்.அந்த நிகழ்ச்சிக்கு பின்னர் பேசிய அவர், தொண்டு நிறுவனங்கள் பொதுமக்களுக்கு தரமான உணவுகளை வழங்க வேண்டும்.மே  3-ஆம் தேதிக்கு பிறகு ஊரடங்கு தொடருமா என்பதை, பிரதமர் மோடியும் , முதலமைச்சர் பழனிசாமியும் தான் முடிவு செய்வார்கள் என்று தெரிவித்தார்.