தமிழகத்தில் பொதுமுடக்கம் நீட்டிக்கப்படுமா ? முதல்வர் பழனிசாமி விளக்கம்

பொதுமுடக்கத்தை நீட்டிக்க இதுவரை முடிவு செய்யவில்லை என்று முதல்வர் பழனிசாமி தெரிவித்துள்ளார்.

 தமிழகத்தில் கொரோனா பாதிப்பு நாளுக்கு நாள் அதிகரித்து வருகிறது.குறிப்பாக சென்னை உள்ளிட்ட இடங்களில் கொரோனா பாதிப்பு நாளுக்கு அதிகமாகி வருகிறது. தமிழகத்தில், நேற்று ஒரே நாளில் புதிதாக 2115 பேருக்கு கொரோனா வைரஸ் தொற்று உறுதி செய்யப்பட்டுள்ளது.இதுவரை, 54,449 பேர் பாதிக்கப்பட்டுள்ளனர் என சுகாதாரத்துறை தெரிவித்துள்ளது.சென்னையில் நேற்று  ஒரே நாளில் 1,322 பேருக்கு கொரோனா தொற்று உறுதிசெய்யப்பட்டுள்ளது. இதனால் அங்கு கொரோனா பாதித்தோரின் எண்ணிக்கை 38,327  ஆக அதிகரித்துள்ளது. இதன் விளைவாக சென்னை ,செங்கல்பட்டு,திருவள்ளூர்  மற்றும் காஞ்சிபுரம் ஆகிய மாவட்டங்களில் முழு ஊரடங்கு உத்தரவு பிறப்பிக்கப்பட்டுள்ளது.

இந்நிலையில்  இன்று தமிழக முதலமைச்சர் பழனிச்சாமி செய்தியாளர்களை சந்தித்தார்.அப்பொழுது அவரிடம் தமிழகத்தில் பொதுமுடக்கம் நீட்டிக்கப்படுமா என்று கேள்வி எழுப்பப்பட்டது.இதற்கு பதில் அளித்த முதலமைச்சர் பொதுமுடக்கத்தை நீட்டிக்க இதுவரை முடிவு செய்யவில்லை  என்று தெரிவித்துள்ளார்.